Acto Presentación da Candidatura

O sábado día 2 de Abril, fixemos a presentación pública da candidatura do BNG ás eleccións municipais do 22 de Maio de 2011.

Reunímonos neste Acto-Presentación con cea incluída, no Mesón “A Ría”. É unha gozada comprobar como facendo ben as cousas obtéñense resultados moi bós. Foi unha velada entre militantes, simpatizantes, colaboradores, veciños e veciñas desta paraxe de nome Ares. Un ambiente no que se respiraba moita ilusión, moita enerxía e moi forza.

Contamos tamén coa presenza do Deputado no Parlamento Galego, Bieito Lobeira, que previamente visitou o Museo da Salazón, onde atendeu ás explicacións do seu propietario. Explicacións que lle resultaron moi familiares xa que Bieito é home de Mar, fillo de Mariñeiro e Mariscadora e persoa que coñece e defende, coma ninguén, o sector e a historia do noso mar, das nosas Rías e das súas posiblidades e peculiaridades.

Tamén nos acompañaron Quico Da Silva, reponsable comarcal do BNG e candidato á Alcaldía de As Pontes, Xoán Xosé Pita, candidato á Alcaldía de Ferrol e Juventino Trigo, candidato á Alcaldía de Fene.

Persoalmente síntome moi ledo de poder traballar con todos/as e cada un/ha dos integrantes da candidatura. Homes e mulleres, rapaces e rapazas que nos decidimos a dar o paso e traballar por e para Ares. Unha candidatura que é fiel reflexo da realidade do que temos en Ares: Xuventude, profesionais en distintos sectores e ocupacións, homes e mulleres cunha traxectoria de anos dentro da organización, militantes e non militantes, persoas cunha presenza destacada no ámbito das asociacións culturais…, xente con compromiso.
A Saber:
1.- Emilio Mesías Farías
2.- Anxo M. Fernández Permuy
3.- Silvia Fernández
4.- Ana Riveira Roca
5.- Dani García Fernández
6.- Tito Pazos Martínez
7.- Luísa Labrada
8.- Tonina Cernadas
9.- Roberto Rivas Conejo
10.- Carlos Rodríguez Souto
11.- Naty Fontenla
12.- Alba Rodríguez Piñeiro
13.- Manuel Ameneiros Muíños.

14.- Tino Seco Penedo
15.- Josefina Fernández
16.- Andrés Pedre.

Agradezo as palabras que me adicou Viqui Saavedra na presentación do acto, xornalista, veciña de Ares e secretaria de Xábrega, unha persoa formada, humilde e sensata. Unha grande amiga, tamén.

Na miña intervención adiantamos algúns dos puntos máis importantes do noso programa electoral e reflexionamos sobre a situación municipal actual e sobre a necesidade dun cambio de rumbo nas políticas a aplicar.

Hai catro anos houbo un cambio de alcalde. Nós estamos a traballar para que desta vez ademáis de cambio de alcalde, haxa un cambio de políticas. Ese é o noso obxectivo.

PD: Pido desculpas aos que vos quedástedes sen poder asistir ao acto por mor da falta de espazo. Estamos seguros de que comprededes que o aforo só permitía 100 comensais e outras 50 persoas que podían asistir de pé ás intervencións. Aos 47 que non puidéstedes estar presentes logo de comunicarnos a vosa pretensión, unha aperta. Aínda queda a Campaña. 😉