O GOBERNO LOCAL SIGUE SEN LOCAIS DE ENSAIO

Setembro 11, 2008 9:13 am Fina Quintáns Sen clasificar

Despois de casi tres anos de que a dirección Xeral de Xuventude donara ao Concello de Oleiros o material para os locais de ensaio, o goberno local sigue sen dotar ao grupos de música do Concello dos locais onde poder ensaiar cos instrumentos, microfonía e amplificación donados polo departamento que dirixe Rubén Cela.

A Dirección Xeral de Xuventude enviou ao Concello material por valor de case 12.000€ que se atopa almacenado nos sotos do auditorio de Mera infrautilizado.

A Xunta de Galicia está disposta tamén a insonorizar e habilitar un local, pero o Concello segue sen aportar inmoble algún mentras que casi 40 concellos galegos xa teñen funcionando os seus nesta rede que incorpora en moitos casos equipos de gravación para que os grupos nóveis poidan promocionarse.

O alcalde de Oleiros, que acostuma queixarse do mal trato recebido polas administracións, amosa aquí a falta de colaboración do concello con iniciativas positivas para a mocidade, cando Vicepresidencia ten amosado xa con feitos a súa predisposición a investir en Oleiros.