O PP de Oleiros pretende presentar mañá unha moción para mellorar os xogos infantís dos espazos públicos do concello de Oleiros, proposta esta que nos parece correcta, mais que precisa de certas matizacións:

1º) Os xogos infantís deben homologarse e adaptarse ás normativas de seguridade en vigor.

2º) Sorpréndenos que o PP proceda nos plenos a presentar mocións que conteñen gastos que eles mesmos non preveron cando apoiaron a aprobación dos orzamentos municipais.

3º) O BNG apoia calquera iniciativa que vaia no sentido de garantir e protexer a seguridade dos máis cativos e das máis cativas, e o respeito á normativa vixente, mais tamén denunciamos a hipocrisia política do PP e do PSOE por apoiaren uns orzamentos que agora emendan de facto cada mes ao proporen gastos que non figuran no documento apoiado por ambos os partidos.