MOCIÓN

Exposición de Motivos

Moitos son os problemas de mobilidade na área metropolitana da Coruña, problemas que non só poden ser resoltos coa construción de novos viais. O BNG ten claro que os problemas de mobilidade só se resolverán o día en que as infraestruturas proxectadas remataren, o día en que se fixer unha planificación urbanística axeitada (e deste xeito tamén se planificaren axeitadamente as novas vías) e, por suposto, se realizarmos un Plano director de transporte público.

Para o BNG facer unha aposta polo transporte público é fundamental se ansiarmos pórlle fin ao problema. Apostarmos por liñas de autobuses cun número elevado do servizo, pola construción dunha estación intermodal, pola organización do transporte dos camiños de ferro para viaxeiros e viaxeiras, pola posta en funcionamento de aparcadoiros disuasorios nas conexións das grandes vías de comunicación etc. todo isto equivale a apostarmos por unha notábel mellora non só da mobilidade da populación urbana, senón tamén da calidade de vida.

E por isto que o grupo municipal do BNG presenta esta moción e solicita o voto favorábel do Pleno da Corporación municipal para a adopción do seguinte

ACORDO

1. Solicitar á Xunta de Galiza:
- A urxente creación da Area Metropolitana da Coruña, con competencias en materia de transporte e mobilidade.
- A colaboración cos municipios da comarca para a criazón imediata dun ente metropolitano de transporte.
- A implantación de liñas de transporte metropolitano por estrada con billete único.
- Posta en funcionamento do transporte marítimo pola ría interconectado co tren e co autobús.
- Planificación do Carril Bus e de taxi na Área Metropolitana da Coruña.
- Conexión dos paseos marítimos e posta en marcha de alugueres de bicicletas comarcais.
- A eliminación da portaxe na AG-55 entre A Coruña, Arteixo e Carballo.
- A implantación de nós de enlace: aparcadoiros nas áreas de descanso das autoestradas e nos apeadoiros do tren, na conexión da Vía Artabra coa AP-9, na conexión da A-6 coa 3ª Rolda e co polígono de Ledoño, entre outros.

2. Solicitar do Goberno español:

- A execución dunha Estación intermodal na Coruña.
- O estabelecimento imediato de servizos ferroviarios de proximidade entre A Coruña-Betanzos-Ferrol e A Coruña-Betanzos-Oza dos Ríos.
- A implantación de novas frecuencias na liña ferroviaria A Coruña-Santiago adaptados ás necesidades dos utentes.
- A eliminación da portaxe na AP-9 entre Guísamo e A Coruña.

Un grande número de practicantes desta actividade de ocio deportivo, teñen recillido sinaturas, feito peticións orais e por escrito ao goberno local e sempre recibiron promesas que siguen sen cumplirse.

A vella e obsoleta pista do parque José Martí foi retirada sin que se deta unha alternativa para sustituila alí mesmo ou enoutro lugar do concello e son moitos os rapaces que se desplazan a Culleredo, á pista da Ría, ou que montan trampolíns artesanáis en rúas de urbanizacións ou en pistas polideportivas descubertas.

O Goberno Local, máis preocupado por políticas de imaxe que en resolver as demandas dos mozos e mozas cos locais de ensaio, pistas de skate e outras reivindicacións, gasta os cartos de maneira aleatoria despois de que PP e PSOE teñan aprobado os orzamentos sen condicionar neles asuntos como estes.

A Dirección Xeral de Xuventude enviou ao Concello material por valor de case 12.000€ que se atopa almacenado nos sotos do auditorio de Mera infrautilizado.

A Xunta de Galicia está disposta tamén a insonorizar e habilitar un local, pero o Concello segue sen aportar inmoble algún mentras que casi 40 concellos galegos xa teñen funcionando os seus nesta rede que incorpora en moitos casos equipos de gravación para que os grupos nóveis poidan promocionarse.

O alcalde de Oleiros, que acostuma queixarse do mal trato recebido polas administracións, amosa aquí a falta de colaboración do concello con iniciativas positivas para a mocidade, cando Vicepresidencia ten amosado xa con feitos a súa predisposición a investir en Oleiros.

O Bloque Nacionalista Galego, como vén facendo nos últimos anos, realizará este domingo 7 un acto público na vila de Allariz que servirá de apertura do novo curso político. Segundo Alberte Ansede, secretario de Organización do BNG, os nacionalistas avanzarán os principios xerais e as condicións concretas que porán en riba da mesa en caso de que o goberno no Estado -como todo parece indicar- requira os votos dos dous escanos nacionalistas en Madrid.

Neste mitin (seguido dun xantar con militantes e simpatizantes) que terá lugar no “Ecoespazo” do Rexo, en Allariz, intervirá o propio Anxo Quintana, xunto co alcalde, Francisco García e o portavoz do BNG no Congreso, Francisco Jorquera.

Ansede asegura que “os votos do BNG serán decisivos para aprobar os orzamentos ou para non aprobalos, porque nós non temos tomada ningunha decisión”. Segundo explicou, “dependerá só de que o presidente do goberno teña en conta a Galiza, como ten afirmado o noso portavoz nacional”.

Anxo Quintana ten establecido tres demandas coas que acudirán os nacionalistas a negociar, baseadas en “cuestións que demanda de xeito unánime a sociedade galega”: o aumento do autogoberno; a dotación de fondos suficientes para que o Sistema Galego de Benestar poida aplicar en tempo e forma a Lei de Dependencia e o cumprimento dos compromisos sobre a chegada da alta velocidade ao noso país.

Francisco Jorquera, pola súa parte, avanzará no acto a posición do BNG ante o novo curso político no Estado, centrándose sobre todo, na esixencia de medidas ante a crise económica.