O BNG de Oleiros pedirá á Xunta que se celebre o grande concerto do Xacobeo na praia de Santa Cristina

O BNG trasladará ao goberno da Xunta a solicitude do grande concerto do Xacobeo 2010 na praia de Santa Cristina. O BNG ten demostrado a súa capacidade para organizar ese grande evento pois nos 2 xacobeos anteriores realizouse o grande concerto de Mike Oldfield, Luar na Lubre e The Corrs, e no seguinte o de Carlinhos Brown e Orishas, cunha espectacular asistencia de público e cunha modélica organización.

A celebración deste grande concerto, así como doutros menores, incide positivamente na asistencia de xente á comarca coruñesa e na positiva repercusión no turismo e na economía en Oleiros e na comarca. Sería unha mágoa que despois da positiva experiencia dos anteriores concertos a Xunta non incluíse Oleiros nesa programación e en concreto nese grande concerto que só sería xustificábel por causas políticas.