O BNG preguntará no Parlamento galego pola reforma da escola infantil de Mera
Xuño 12, 2009 2:38 pm Sen clasificar
O BNG presentou recentemente no Parlamento galego unha pregunta sobre a construción da futura escola infantil de Nós, comprometida polo Consorcio Galego de Servizos de Igualdade e Benestar. Así mesmo, o Consorcio Galego de Servizos de Igualdade e Benestar asumiu tamén o compromiso de reforma e ampliación da Escoliña da Lagoa de Mera, reforma que incluía a instalación dun elevador, a creación dun patio cuberto de xogos e o adecentamento das actuais instalacións para a posta en funcionamento o vindeiro curso dunha escola de 3 unidades. Os planos desta escola foron enviados polo goberno local aos técnicos do Consorcio para a correspondente verificación do estado e realización desas melloras, polo que agora o BNG preguntará ao actual goberno se pensa asumir tamén a reforma deste centro para estar aberto ao inicio do curso, dada a alta demanda de prazas de educación infantil que hai en Oleiros, malia contarmos con 3 galescolas en funcionamento.
