O BNG vén de realizar unha pregunta no Parlamento galego a respeito da reforma e ampliación da escola infantil da Lagoa de Mera
Xuño 16, 2009 1:20 pm Sen clasificar
O BNG realizou no Parlamento galego unha pregunta a respeito da reforma e ampliación da Escola Infantil da Lagoa de Mera a través do parlamentario Carlos Aymerich e da parlamentaria Ana Luísa Bouza
O BNG realizou onte unha pregunta parlamentar relativa á reforma da escola infantil de Mera comprometida polo Consorcio Galego de Servizos de Igualdade e Benestar. O compromiso de reforma e de ampliación da Escola Infantil da Lagoa de Mera é unha actuación que incluía a instalación dun elevador, a creación dun patio cuberto de xogos e o adecentamento das actuais instalación para a posta en funcionamento o próximo curso dunha escola de 3 unidades.
Os planos desta escola foron enviados polo goberno local aos técnicos do Consorcio para a correspondente verificación do estado e para a realización desas melloras, motivos polos cales o BNG vén de preguntar ao actual goberno cando pensa asumir tamén a reforma deste centro para estar aberto ao inicio do vindeiro curso, dada a alta demanda de prazas de educación infantil que hai en Oleiros, malia contarmos con 3 galescolas en funcionamento.
Pode consultarse a pregunta presentada polo parlamentario Carlos Aymerich e pola parlamentaria Ana Luísa Bouza nesta ligazón.
