“Yes, we can”
Marzo 6, 2008 6:47 pm Sen categorizarPara demostrarvos que non todos os políticos somos iguais nin todos mentimos hoxe escribo o blog dende Castrelo de Miño, logo do mitin, antes de tirar de volta para Ourense. Non é que desconfíe do Xurxo, do noso flamante alcalde nacionalista, todo o contrario, o que quero é publicitar e reivindicar máis proxectos pilotos como o que el puxo en marcha, dacordo coa consellaría de Industria, porque o rural tamén existe e tamén ten que estar en rede.
Grazas a ese acordo, zonas coma ista melloraron o seu nivel de utilización das novas tecnoloxías, tan complexo na nosa provicia e un dos motivos, aínda que soe a disculpa, polo que non podo manter a actualización do blog que sería desexabel. Son as cousas do Xurxo, e de tantos outros compañeiros, aos que non sei se decepcionei porque foi un día complicado, un día “mediático”, co que iso implica de presión e de rixidez. Sei, precisamente polo blog, que en Castrelo estaban expectantes, tentei dar o mellor de min, coma sempre, pero, insisto, a presión do día o mesmo se fixo demasiado evidente. En calquera caso, só podo dicir unha cousa: Grazas. Os que estivestes xa o sabedes e os que non debo contarvos que unha vez que rematei a miña intervención non soou o “Xente”, a nosa sintonía, senón o “Yes, we can”, porque sodes moitos os que credes e sabedes que “Nós podemos”, por nós, por vós, alomenos, que non sexa, por eso, insisto, Grazas. Detalles así, nunha xornada complexa, te reconcilian con tantas cousas…
Marzo 6th, 2008 at 10:42 pm
Heheh, acabo de ler o mesmo no blog do xurxo.com
Estabades sincronizados, ou?!
E eu que non poiden ir a Castrelo onte. Claro que podemos!. Animo Iago!, Animo Xurxo e adiante Castrelo, Ourense, Galiza e o BNG!
Marzo 7th, 2008 at 12:44 am
Estibeche incluso mellor que en ourense iago,ti tranquil.
Saudos compañeiro.
Marzo 7th, 2008 at 2:10 am
Estiveches xenial en Castrelo!
Marzo 7th, 2008 at 2:23 am
hai que dicirlle á xente que o 9 de Marzo miren a papeleta, que vexan que non sae Zapatero nen Rajoy, que sae Iago, Olaia, Jorquera ou Abraira.
Que non se enganen, que se escollen representantes por provincia e os únicos con cara, nome e apelidos que van representar aos galegos son os do Bloque.
Que 6 anos despois, o que dicía que o Prestige xa estaba en augas portuguesas vai de nº3 pola Coruña, o de
«No es en ningún caso una marea negra, se trata sólo de manchas muy localizadas» vai de nº1 por Madrid e o de “Las playas de Galicia están limpias y esplendorosas” vai de nº1 por Alicante. Nunca Máis!!
Marzo 9th, 2008 at 4:52 pm
Iago, Galiza pode sair gañando moito impulso destas eleccións si ti consigues o escaño en Madrid
Marzo 9th, 2008 at 4:58 pm
Iago, dende Ourense temos a confianza de que o futuro da nosa cidade pasa por que ti sexas o noso nomeado na capital do Estado. Loita, pronto a nosa única capital será Santiago e a túa viaxe non será tan lonxe e non terás que ler o periódico en castelán.