Lugo, o PSOE e o Consorcio de Servizos Sociais

Imaxe moi rechamante a de hoxe nos xornais. Sonia Méndez e Loli Vieiro despois da xuntanza con representantes de Vicepresidencia e do Consorcio acusándonos de querer adoutrinar aos traballadores dos centros concertados coa Vicepresidencia. U-lo respecto por eses traballadores e traballadoras? Agora xa non se atreven a facer as afirmacións que facían sobre a aposta polo uso do galego nas galescolas, como se iso fose un delito. Claro, teñen que variar o discurso porque estamos ás portas dun proceso electoral fundamental para este país e o PSOE non as tén todas consigo.
Ídesme permitir que faga unha pequena reflexión escrita sobre a representación que mandou o concello de Lugo: Sonia Méndez, concelleira de Economía e Loli Vierio, concelleira de Educación. Xa as vexo entrando na reunión e á concelleira Loli Vierio toda alporizada e dicindo que o Consorcio é anticonstitucional!!!
O meu compañeiro Xosé Chorén xa dixo que a Orozco non lle sirve o funcionamento do Consorcio, aceptado polos alcaldes dos 263 concellos de toda Galiza adheridos, de todas as cores políticas, entre eles os alcaldes de todas as demais cidades galegas, porque non pode vender a súa xestión como actuación política propia.
Orozco e o PSOE deberían ter claro a estas alturas que os termos do Consorcio son os mesmos para todos os concellos adheridos. Non pode haber un Consorcio especial para o Concello de Lugo porque a Xunta non pode facer excepcións con ninguén.
Ademais o Concello de Lugo ten a posibilidade de deixar fóra do Consorcio aquelas gardarías que queira xestionar directamente, como fixo por exemplo o Concello de Santiago, polo que non se entende que o Goberno municipal do PSOE de Lugo siga decindo que non ao Consorcio.
Tamén é ben saber que o Concello de Lugo recibíu no ano 2005 da Xunta do Partido Popular 471.000 euros de axudas para as garderías, centros de día e axuda no fogar e neste ano 2008, da Vicepresidencia da Xunta que dirixe o BNG 815.000 euros para os mesmos conceptos. O BNG practicamente duplicou en tres anos os fondos que lle transfire ao Concello de Lugo!!!
Esta actitude de Orozco é lamentábel porque a quen prexudica realmente é aos cidadáns de Lugo, que vemos como a gardaría de San Xillao segue pechada polos caprichos deste señor.

Toca Plan Xeral

Despois das declaracións de onte de Orozco non podo deixar de falar do Plan Xeral. Teoricamente tería que ir a Pleno o día 3 de decembro, e para iso o vindeiro luns, 17 de novembro, teríamos que ter copia íntegra de toda a documentación. Non sei, pero todo soa a novo incrumprimento de datas. Orozco demostra que segue sen escoitar. Non escoita porque o BNG xa lle dixo por activa e por pasiva que a nosa decisión non depende de informes administrativos. A nosa postura co Plan Xeral sempre foi moi clara. Queremos melloras evidentes para os barrios, para o patrimonio, para a zona rural, e queremos que todo se faga de maneira que os veciños e veciñas de Lugo coñezan o Plan antes da súa aprobación definitiva e que podan opinar sobre el. Por iso queremos que se volva a expoñer ao público, independentemente do que digan os informes. A nosa é unha decisión política. A única decisión que se pode tomar se queremos que o PXOM non se aprobe de costas aos cidadáns.
O PP xa fai tempo que renunciou a introducir melloras. Non se sabe quen tén máis presa por aprobar o Plan Xeral, se o PSOE ou o PP. Está claro que neste caso os intereses urbanísticos pesan moito.

Declaracións de Paz Abraira: “O BNG non renuncia a introducir melloras no PXOM antes da súa aprobación definitiva”

Orozco ignora se o plan de urbanismo poderá debaterse o 3 de decembro, como estaba previsto

Galiza versus Galicia

Estes días púxose de actualidade unha polémica ficticia sobre o uso do topónimo do noso país. Desde logo eu non vou renunciar a chamarlle a Galiza como sempre lle chamei: Galiza. O uso deste topónimo axústase estritamente á lei, á normativa lingüística, que permite referirse ao país como Galiza, por ser a forma maioritaria medieval e a esperábel desde o punto de vista filolóxico.
Resulta curioso ver ao PP e a algúns xornais que xamais utilizan o noso idioma nas súas informacións (que chegan incluso a traducir as declaracións que facemos nel) tan preocupados polo seu uso e polas supostas formas correctas.As actuais normas oficiais son resultado dun acordo entre a RAG e o Instituto da Lingua Galega. Estas normas conservan distintas variantes para unha mesma denominación, non só no caso de Galiza-Galicia, senón noutros como até/ata, amable/amábel, etc.
Non haberá cousas que facer en lugar de montar campañas que só pretenden desacreditar o consenso existente e prexudicar ao galego?

PLENO DO CONCELLO - 17:00 h (Consulta aquí a orde do día)

Pleno ordinario 5 de maio de 2008

Orde do día

l/50 APROBACIÓN DA ACTA CORRESPONDENTE Á SESIÓN ORDINARIA DO EXCMO. CONCELLO PLENO, CELEBRADA O DÍA 7 DE ABRIL DE 2008.

A) PARTE RESOLUTIVA

URBANISMO

2/51 MODIFICACIÓN DO PLAN ESPECIAL DE REFORMA INTERIOR DAS UNIDADES DE ACTUACIÓN NORTE-I E NORTE-2 (GARABOLOS) DO PXOU VIXENTE, PROMOVIDO POLO INSTITUTO GALEGO DA VIVENDA E SOLO DA CONSELLERÍA DE VIVENDA E SOLO DA XUNT A DE GALICIA: APROBACIÓN DEFINITIVA.

INTERVENCIÓN

3/52 PROPOSTA DA TENENTA DE ALCALDE DELEGADA DA ÁREA DE ECONOMÍA E EMPREGO, SOBRE “DElXAR SEN EFECTO Ó PLAN ECONÓMICO FINANCEIRO DO ANO 2006″.

PROPOSTAS DA ALCALDÍA

4/53 PROPOSTA DA ALCALDÍA SOBRE A ASIGNACIÓN DE NOME A NOVAS RÚAS DA CIDADE.

5/54 PROPOSTA DA ALCALDÍA SOBRE O ESTABLECEMENTO DO RÉXIME RETRIBUTIVO PARA O ÓRGANO DIRECTIVO MUNICIPAL DE XEFATURA DA ASESORÍA XURÍDICA.

PROPOSICIÓNS

6/55 PROPOSICIÓN DO GRUPO MUNICIPAL DO BLOQUE NACIONALISTA GALEGO, NÚMERO 47 DE REXISTRO DE PLENO, NA QUE SOLICITAN A EMISIÓN PÚBLICA DOS PLENOS A TRAVÉS DA WEB MUNICIPAL.

7/56 PROPOSICiÓN DO GRUPO MUNICIPAL POPULAR, NÚMERO 67 DE REXISTRO DE PLENO, QUE SUBSTITÚE Á PRESENTADA CO NÚMERO 48 DO DITO REXISTRO, NA QUE SOLICITA QUE SE POSIBILITE O ACCESO DOS CIDADÁNS Á VIDA MUNICIPAL A TRAVÉS DAS NOVAS TECNOLOXÍAS.

8/57 PROPOSICiÓN DO GRUPO MUNICIPAL DO BLOQUE NACIONALISTA GALEGO, NÚMERO 49 DE REXISTRO DE PLENO, RELATIVA Á FALTA DE CUMPRlMENTO POLO GOBERNO DOS ACORDOS PLENARIOS.

9/58 PROPOSICiÓN DO GRUPO MUNICIPAL POPULAR, NÚMERO 68 DE REXISTRO DE PLENO, QUE SUBSTITÚE Á PRESENTADA CON NÚMERO 55 DO DITO REXISTRO, RELATIVA Ó DECRETO DAS NORMAS DO HÁBlTAT GALEGO APROBADO POLO CON SELLO DA XUNTA DE GALICIA.

10/59 PROPOSICiÓN DO GRUPO MUNICIPAL POPULAR, NÚMERO 58 DE REXISTRO DE PLENO, SOBRE O COMERCIO POLO MIÚDO TRADICIONAL DA NOSA CIDADE.

11/60 PROPOSICiÓN DO GRUPO MUNICIPAL SOCIALISTA, NÚMERO 63 DE REXISTRO DE PLENO, RELA TIV A Ó DECRETO DAS NORMAS DO HÁBITAT GALEGO APROBADO POLO CONSELLO DA XUNTA DE GALlCIA.

B) PARTE DE INFORMACIÓN, IMPULSO E CONTROL

ACTAS E GOBERNO

12/61 DACIÓN DE CONTA DOS DECRETOS DITADOS POLA ALCALDÍA E OS SEUS DELEGADOS DENDE A CELEBRACiÓN DO PLENO ORDINARIO DO DÍA 7 DE ABRIL DE 2008, QUE OBRAN NO SERVIZO DE ACTAS E GOBERNO, RECOLLIDOS NOS CORRESPONDENTES LIBROS DE RESOLUCIÓNS.

INTERVENCIÓN

13/62 DACIÓN DE CONTA DA MODIFICACIÓN DE CRÉDITOS NÚMERO 1, MEDIANTE TRANSFERENCIA DE CRÉDITO POR IMPORTE DE 20.337,12 EUROS, DO ORZAMENTO XERAL DE 2008.

14/63 DACIÓN DE CONTA DA MODIFICACIÓN DE CRÉDITOS NÚMERO 2, MEDIANTE TRANSFERENCIA DE CRÉDITO POR IMPORTE DE 55.546,44 EUROS, DO ORZAMENTO XERAL DE 2008.

15/64 DACIÓN DE CONTA DA LIQUIDACIÓN DO PRESUPOSTO DA PROPIA CORPORACIÓN DE 2007, ASÍ COMO DA INFORMACIÓN ECONÓMICA DO CONCELLO A 31-12-2007.

COMPARECENCIAS

16/65 COMPARECENCIA EN PLENO DA TENENTA DE ALCALDE DELEGADA DA ÁREA DE MULLER E BENESTAR SOCIAL, ACORDADA NA SESIÓN ORDINARIA CELEBRADA O DÍA 7 DE ABRIL DE 2008.

ROGOS E PREGUNTAS

ROGOS:

A) DO GRUPO MUNICIPAL DO BLOQUE NACIONALISTA GALEGO, NÚMERO 50 DE REXISTRO DO PLENO, SOBRE A REALIZACIÓN DE OBRAS NA RÚA SAN XILLAO.

B) DO GRUPO MUNICIPAL DO BLOQUE NACIONALISTA GALEGO, NÚMERO 54 DE REXISTRO DO PLENO, PARA A REALIZACIÓN DE OBRAS NA PARROQUIA DE BENADE.

C) DO GRUPO MUNICIPAL POPULAR, NÚMERO 59 DE REXISTRO DO PLENO, SOBRE A CONVOCATORIA DUNHA REUNIÓN COS REPRESENTANTES DO MOVEMENTO VECIÑAL E OS GRUPOS MUNICIPAIS ANTES DO 10 DE MAlO DESTE ANO.

D) DO GRUPO MUNICIPAL POPULAR, NÚMERO 60 DE REXISTRO DO PLENO, PARA SOLICITAR DA DEPUTACIÓN PROVINCIAL A LICITACIÓN DA ESTRADA BURGO-VILAMAIOR DE NEGRAL­PALAS DE REi.

E) DO GRUPO MUNICIPAL POPULAR, NÚMERO 64 DE REXISTRO DO PLENO, RELATIVO Á TRAMITACIÓN DO PLAN XERAL DE ORDENACIÓN MUNICIPAL DE LUGO.

PREGUNTAS:

A) DO GRUPO MUNICIPAL POPULAR, NÚMERO 61 DE REXISTRO DO PLENO, SOBRE OS ESPAZOS DE TRABALLO DOS GRUPOS MUNICIPAIS NA CASA CONSISTORIAL.

B) DO GRUPO MUNICIPAL POPULAR, NÚMERO 65 DE REXISTRO DO PLENO, SOBRE A CAPACIDADE DO NOVO AUDITORIO DE LUGO ANUNCIADA POLA XUNTA DE GALlCIA.

A política do PSOE

Parece que o PSOE ultimamente está moi interesado en atacar ao rural galego e ao BNG. Digo isto porque acabamos de enterarnos de que desde a Consellería de Educación lle retiran a achega económica que lle facían ao programa “Preescolar na Casa”, centrado na atención aos nenos de 0 a 6 anos do rural galego e tamén eliminan o primeiro ciclo da ESO de 7 concellos (rurais por suposto) da provincia de Lugo. En canto ao BNG, dígoo polo das Normas do Hábitat, polos ataques contra Medio Rural polos prezos do leite ou pola nova xestión dos Plans Leader (alcaldes socialistas dos Ancares). Está claro que o PSOE está máis interesado nas vindeiras contendas electorais que no traballo en beneficio do País. E se non que lle pregunten a Orozco onde está o Plan Xeral de Lugo.

Dobre moral

Moi calados están os alcaldes do PSOE ante a supresión do 1º ciclo da ESO de 7 concellos da provincia de Lugo. Moi calados están ante unha decisión da Consellería de Educación (do PSOE) que, sen diálogo nin contraste previo cos afectados, decide unilateralmente seguir adiante cun proxecto iniciado polo PP hai case 10 anos que determina que os cativos do rural galego non poden ter os mesmos servizos educativos que os da zona urbana e deben pasar máis de unha hora no autobús para ir a clase. Curioso tamén o silencio da FEGAMP (esa plataforma tan belixerante con outras actuacións seica non consensuadas) que non dixo nada deste feito. O BNG opúxose cando estaba na oposición a retirada do 1º ciclo da ESO deses concellos, e ségueo facendo agora que é goberno. Outros deberían explicar a súa dobre moral.

O PSOE e os nacionalismos

Curiosa a intervención de onte de Pepe Blanco dicindo que non queren seguir cedendo ante os nacionalistas. Curioso porque cogobernan con nacionalistas en Galiza e Cataluña e porque necesitan dos nacionalistas para poder gobernar no Estado os próximos 4 anos. Os nacionalistas somos necesarios e el ben o sabe. Non quererá dicir que o seu modelo de Estado tamén pretende eliminar aos que non coincidimos con eles, aos que queremos neste caso que Galiza e Lugo conten, aos que queremos pensións máis altas para os nosos xubilados, aos que queremos outro reparto da cota lactea, outra OCM do viño, aos que queremos a apertura ao tráfico comercial do dique norte de Alcoa… Agora é o momento de que nos digan que é o que queren eles. O BNG teno claro: que Galiza pese e decida.