Manifestación en defensa da língua

Polo dereito de vivirmos en galego.

Páxina web do Concello

O 31 de xaneiro xa escribín sobre a web do Concello. 

Naquel comentario daba algunhas pistas para que a melloraran, mais fica claro que a miña opinión non interesa aos gobernantes de Sanxenxo.

Por aquel entón non reparara no saúdo da Sra. Alcaldesa.

Agora, despois de telo lido, comprendo moito mellor o contido da páxina.

Remata o saúdo (en español, claro está) co parágrafo seguinte: “E este é o noso escaparate”.

Canta razón ten!

Non hai mais que ollar o cartaz que ilustra o anuncio da “horta ecolóxica”, da que falei antonte.

Non imaxinaba ela cando escribiu este texto, alá polo mes de agosto do 2007, que a páxina ía reflectir con exactitude a “xestión” do seu goberno.

É precisamente nese apartado, no de Xestión Municipal, onde queda demostrado que a idem é nula. Si ledes o que escribín sobre o tema, o día 31 de xaneiro, veredes que podía escribir o mesmo a día de hoxe.

Que a páxina estea feita en español (e poño “español” porque, aparte do que eu pense, é o idioma no que está escrita segundo se di na propia web) será pola mesma razón que da a Sra. Alcaldesa para falar nese idioma nos actos das festas de San Xenxo: “para que me entiendan todos los visitantes”.

Para este goberno os visitantes portugueses (e hai dabondo) non contan.

Sobre este tema só teño unha dúbida: si escriben a páxina en español, por que cando inclúen declaracións da alcaldesa ou dalgún concelleiro fano en galego?

Será para que non os entendan?

Vaite ti a saber!