ACTO DE PRESENTACIÓN DA CANDIDATA  “O LAGAR” - 23.03.07. 

O QUE NOS APRENDERON DE PEQUENOS, PARA BEN OU PARA MAL, VAI CON NÓS O RESTO DA VIDA. E AOS FILLOS DAS FAMILIAS TRABALLADORAS E HUMILDES APRENDÉRONNOS, ANTES DE MOITAS OUTRAS COUSAS, A DAR AS GRAZAS. E EU QUERO HOXE, CON MOITO CARIÑO, AGRADECERLLE A SANTIAGO POUSO E AOS SEUS FILLOS QUE NOS ACOLLERAN TAN AMABELMENTE NESTA SÚA CASA: MOITAS GRAZAS. 

BEN, QUERO TAMÉN AGRADECER A PRESENZA E O ARROUPE HOXE EIQUÍ DE MOITOS COMPAÑEIROS E COMPAÑEIRAS DE FÓRA DA COMARCA E DA COMARCA E, PERMITÍDEMO, UN SAÚDO DE CORAZÓN AO ALCALDE DE BOIRO, COMPAÑEIRO DEIRA. 

PERO SE ALGO TEÑO QUE AGRADECER DE MANEIRA ESPECIAL É A COMPAÑÍA DE TODOS E TODAS VÓS, DA XENTE DO MEU POBO, QUE É O MOTIVO PRINCIPAL POLO QUE TAMÉN EU ESTOU EIQUÍ.  

E TAMÉN GRAZAS AOS QUE NON ESTÁN, PORQUE EN TODOS ESTES ANOS DE POLÍTICA MUNICIPAL TEÑO MOITO QUE AGRADECER A MOITA XENTE. MOITO, PERO, SOBRE TODO, O QUE ME TEÑEN, O QUE ME TENDES ENSINADO. 

HAI MOITOS SITIOS ONDE SE APRENDEN COUSAS: NA ESCOLA, NA CASA, NO TRABALLO, PERO A POLÍTICA MUNICIPAL, ASEGÚROVOLO, É UNHA EXPERIENCIA DIFÍCILMENTE COMPARÁBEL, SOBRE TODO CANDO SE VIVE, E VÓS SABÉDELO BEN,  COMO A VIVO EU: CON ENERXÍA, CON CARÁCTER, CON PAIXÓN REALMENTE, CON GANAS DE FACER COUSAS TODOS OS DÍAS, CON MOITAS GANAS DE MELLORAR O MEU CONTORNO E  MOITAS, MOITAS GANAS DE CONTRIBUÍR A FACER DESTE POBO, DO MEU POBO, O MELLOR LUGAR PARA VIVIR, PARA VIVIRMOS. 

BEN, ADEMAIS DE PARA AGRADECER, HOXE ESTOU EIQUÍ, EVIDENTEMENTE, POR OUTRAS RAZÓNS. ESTOU EIQUÍ PARA DECIRVOS O QUE QUERO PARA O MEU CONCELLO. E COMPROBAREDES QUE O QUE EU QUERO NON DIFIERE EN NADA DO QUE QUEREDES VÓS, DO QUE QUERE CALQUERA CIDADÁN DESTE POBO, INDEPENDENTEMENTE DE A QUEN VOTE. 

SI EU, EN VEZ DE SER DA POBRA FORA, POR EXEMPLO, DE SANXENXO, QUERERÍA O QUE QUEREN OS CIDADÁNS DE SANXENXO. E O DE SANXENXO, CON TODOS OS RESPECTOS, NON O DIGO POR CASUALIDADE, PORQUE XA SABEDES QUE HAI QUEN SE EMPEÑA EN QUERER PARA O NOSO POVO O QUE XA NON QUEREN NIN OS DE SANXENXO PARA O SEU. 

NOS ÚLTIMOS ANOS VIMOS COMO, A PESAR DAS INNUMERÁBEIS OBRAS QUE SE LEVARON A CABO, O NOSO CONCELLO ESMORECE. É, DOS DA COMARCA, QUIZÁIS O MÁIS LIMPO E FLORIDO, PERO TAMÉN- O MENOS VIVO,- O MENOS DINÁMICO E MODERNO,- O QUE MENOS MEDRA EN POVOACIÓN,- O QUE TEN AS SÚAS RÚAS E PRAZAS MÁIS VALEIRAS DE ACTIVIDADE CULTURAL E SOCIAL,- O QUE MENOS BENESTAR SOCIAL OFRECE AOS SEUS MAIORES, AOS SEUS MOZOS E MOZAS E TAMÉN AOS SEUS NENOS E NENAS. 

E, ¿QUÉ QUERE, POIS, UN CIDADÁN DA POBRA?: 

-          QUERE QUE OS CARTOS QUE PAGAMOS COMO CONTRIBUÍNTES DAS ARCAS MUNICIPAIS SE ADMINISTREN CON SENTIDO COMÚN, QUE NON SE DESPILFARREN EN LUCIMENTO PROPIO DO ALCALDE E DOS SEUS. QUE SE LLE PAGUE A QUEN LEVA ANOS AGARDANDO A COBRAR O SEU TRABALLO OU O SEU SERVIZO.-          QUERE QUE O SEU FILLO TRABALLE NO SEU POBO, QUE SE INVISTA EN CRIAR AS CONDICIÓNS QUE POSIBILITEN ESE TRABALLO.-          QUERE NON TER QUE RENUNCIAR AO SEU TRABALLO, E INCLUSO AO SEU OCIO, A CAMBIO DE COIDAR AOS SEUS PAIS OU AOS SEUS FILLOS POR VIVIR NO ÚNICO CONCELLO DE TODA A COMARCA QUE AÍNDA CARECE DE CENTRO DE DÍA PARA OS MAIORES E DE GARDERÍA PARA OS NENOS.-          QUERE TER UNHA CASA DA MOCIDADE CHEA DE XÓVENES E DE ACTIVIDADES PARA XÓVENES, NON COMO SIMPLE EXPENDEDURÍA DE IMPRESOS DE SOLICITUDE DE AXUDAS VARIAS.-          QUERE TRANSPARENCIA NA XESTIÓN MUNICIPAL, UN TRATO E UNHA ATENCIÓN COMO SE MERECE POR PARTE DO SEU ALCALDE, SEN TER QUE PASAR PREVIAMENTE POLO DESPACHO DO LADO.-          QUERE QUE A ACTIVIDADE CULTURAL NON ESTEA GARDADA BAIXO SETE CHAVES NO MUSEO VALLE-INCLÁN SÓ A DISPOSICIÓN DE DOCTORES E ERUDITOS.-          QUERE ACCEDER, POLOS SEUS MÉRITOS E CAPACIDADE PROPIOS, A UN POSTO DE TRABALLO NA ADMINISTRACIÓN LOCAL, E NON POR OUTRAS VÍAS CLARAMENTE DISCRIMINATORIAS.-          QUERE QUE AS AMEIXAS E OS BERBERECHOS DO AREAL, OU DOS RAPOSIÑOS, NON SE NUTRAN DE VERQUIDOS INDUSTRIAIS.-          QUERE QUE O PATRIMONIO CULTURAL, ARTÍSTICO E HISTÓRICO NON SEXA, COMO O FOI O CASTRO DE PUNTA OSTREIRA NO SEU DÍA, PASTO DUNHA PALA EXCAVADORA.-          QUERE QUE SE SALDE, DUNHA VEZ POR TODAS, A DÉBEDA HISTÓRICA QUE ESTE CONCELLO TEN CO RURAL, ONDE VIVE ESE MÁIS DO 20% DO TOTAL DA NOSA POVOACIÓN QUE AÍNDA CARECE DE AUGA E SANEAMENTO.-          QUERE QUE AS INSTALACIÓNS DEPORTIVAS MUNICIPAIS SIRVAN PARA ALGO MÁIS QUE PARA QUE CHOVA POR ELAS E DENTRO DELAS.-          QUERE QUE O SECTOR COMERCIAL E HOSTELEIRO TEÑA NO GOBERNO AO SEU ALIADO, E NON A UN SIMPLE COBRADOR DE TAXAS E IMPOSTOS.-          QUERE QUE A ESCOLA A ONDE VAI O SEU FILLO REUNA AS MÍNIMAS CONDICIÓNS DE HABITABILIDADE, SEGURIDADE E SALUBRIDADE.-          UN CIDADÁN DA POBRA NON QUERE MORRER SEN VER COS SEUS PROPIOS OLLOS E PISAR COS SEUS PROPIOS PÉS  AQUELA IMPRESIONANTE PAISAXE QUE AMENÁBAR ENSINOU AO MUNDO, A VÓ DE PÁXARO EN “MAR ADENTRO”, QUERE QUE ESE PATRIMONIO, O CANÓN DO BARBANZA, SE COIDE, SE RESPETE E SE POÑA EN VALOR. 

EN FIN, XA VEDES QUE TEMOS MOITO EN COMÚN, QUE O QUE QUERE CALQUERA CIDADÁN DESTE CONCELLO É O QUE EU MESMA QUERO PARA MÍN E PARA OS MEUS. 

ASÍ É, XA VEDES QUE SAÍR TODOS OS DÍAS NOS PERIÓDICOS NON É SINÓNIMO DE ABORDAR OS PROBLEMAS DA XENTE E DO PAÍS E, MOITO MENOS, DE PROCURARLLE SOLUCIÓNS. PARA CONQUERIR QUE ESTOS DESEXOS MEUS E VOSOS SEXAN REALIDADE NON NOS FAI FALLA UN SIMPLE CAMBIO DE XESTORES, CÓMPRENOS UN PROFUNDO CAMBIO DE POLÍTICAS, FAI FALLA, SOBRE TODO, TER AS IDEAS CLARAS, TER UN PROXECTO, SABER QUÉ POBO SE QUERE, FAI FALLA ASUMIR COMPROMISOS. 

COMPROMISOS COMO OS QUE EU QUERO ADQUIRIR HOXE EIQUÍ, CONVOSCO COMO NOTARIOS DAS MIÑAS PALABRAS. O BNG É HOXE FORZA DE GOBERNO NA XUNTA DE GALIZA, NO GOBERNO GALEGO, E, DENDE LOGO, TEMOS VOCACIÓN DE SELO TAMÉN NO NOSO CONCELLO. 

CONCORREMOS A ESTAS ELECCIÓNS PARA MATERIALIZAR UN PROXECTO, PARA TRANSFORMAR A REALIDADE, PARA POÑERNOS NÓS E AS INSTITUCIÓNS AO SERVIZO DOS CIDADÁNS, E NON AO REVÉS. 

TAL E COMO DÍ O NOSO ESLOGAN, “AQUÍ ESTÁ O BNG”: PARA SOLICITAR A VOSA CONFIANZA, PARA LIDERAR ESTE CONCELLO, CONVENCIDOS DE QUE SOMOS A ALTERNATIVA A UN MODELO XA, NESTES MOMENTOS, ABSOLUTAMENTE ESGOTADO. 

O CONCELLO NON PODE SEGUIR XIRANDO ABUSIVAMENTE AO REDOR DAS INFRAESTRUCTURAS E DAS OBRAS. AÍNDA SENDO ESTAS IMPORTANTES, A NOSA PRIORIDADE É A CREACIÓN DE EMPREGO E OS PROGRAMAS DE BENESTAR SOCIAL. 

-          O URBANISMO OBSCURO E FEITO A ESPALDAS DA MAIORÍA DOS CIDADÁNS TEN QUE PASAR Á HISTORIA.  -          A VIVENDA DE PROMOCIÓN PÚBLICA, DIRIXIDA FUNDAMENTALMENTE AOS MOZOS E TAMÉN AOS SECTORES SOCIAIS CON MENOR CAPACIDADE, VAI SER UN DOS EIXOS FUNDAMENTAIS DO GOBERNO MUNICIPAL DO BNG.-          NA OPOSICIÓN FOI XA A NOSA PRINCIPAL TEIMA A CRIACIÓN DE CHAN INDUSTRIAL E A XERACIÓN DE EMPREGO. E CONSEGUÍMOLO. COA COLABORACIÓN FUNDAMENTAL DA CONSELLERÍA DE VIVENDA, DA NOSA COMPAÑEIRA TEREIXA TÁBOAS, MÁIS DUN MILLÓN DE METROS CADRADOS DE CHAN INDUSTRIAL SON XA UNHA REALIDADE. PERO NON SÓ ISO, A NOSA PREOCUPACIÓN NON É SÓ OFRECER TERREO A AQUELAS EMPRESAS XA EXISTENTES OU EMPRESAS CONSOLIDADAS QUE NON DISPOÑAN DEL. NO NOVO POLÍGONO INDUSTRIAL HABERÁ TAMÉN SITIO PARA AQUELES PEQUENOS EMPRESARIOS, PARA EMPRENDEDORES QUE QUEIRAN CREAR EMPREGO E TEÑAN MENOS POSIBILIDADES. CONTARÁN CON NAVES EN ALUGUER NOS PRIMEIROS ANOS, XUSTO CANDO MÁIS SE NECESITA, CANDO MÁIS CUSTA ARRINCAR.-          OS SECTORES PRODUCTIVOS, DEFENDIDOS SEMPRE POLO BNG DENTRO E FORA DO PAÍS, CONTARÁN CON TODO O APOIO DO GOBERNO MUNICIPAL DO  BNG. O QUE ACABO DE DECIR NON É UN FUTURÍBEL, ALGO INFUNDADO, PÓDESE CONSTATAR: FOMOS NOS, TRABALLANDO CODO CON CODO COA CONSELLERÍA DE MEDIO RURAL, CO CONSELLEIRO DO BNG ALFREDO SUÁREZ CANAL, QUEN DE CONSEGUIR A DENOMINACIÓN DE VIÑOS DA TERRA PARA OS NOSOS VIÑOS E, DESTE XEITO, APOIAR E PROMOCIONAR O TRABALLO DE DUCIAS DE VITICULTORES DESTA COMARCA E DESTE CONCELLO.-          EU MESMA PUDEN ESCOITAR EN DIRECTO, HAI MOI POUCOS DÍAS, AO XERENTE DUNHA EMPRESA DESTE CONCELLO (QUE CONTA CON MÁIS DE 350 TRABALLADORES/AS) LOUBAR O TRABALLO QUE SE ESTÁ FACENDO DENDE A CONSELLERÍA DE INDUSTRIA AO APOIAR A INVESTIGACIÓN E O DESENVOLVEMENTO DOS MÁIS PUNTEIROS SISTEMAS TECNOLÓXICOS NAS EMPRESAS.-          SR. VICEPRESIDENTE DA XUNTA, SENDO CONSCIENTE DAS GRAVES CARENCIAS QUE TEN ESTE CONCELLO EN BENESTAR SOCIAL, COMPROMÉTOME COMO ALCALDESA A  POÑER OS INTERESES DOS MEUS VECIÑOS E VECIÑAS POR ENRIBA DE TODO E, POLO TANTO, A COOPERAR COA VICEPRESIDENCIA E COA XUNTA DE GALIZA (E NON A ENFRONTARME A ELA) NO QUE QUERE SER UN DOS MEUS PRINCIPAIS E PRIMEIROS OBXECTIVOS: A CRIACIÓN DUN CENTRO DE DÍA PARA OS NOSOS MAIORES, A POSTA EN MARCHA DUNHA GALESCOLA PARA OS NOSOS PEQUENOS E PEQUENAS E, POLO TANTO, A CONTRIBUCIÓN DO GOBERNO MUNICIPAL ENCABEZADO POR UNHA MULLER NA CONQUISTA DA IGUALDADE.-          COMO DIRIXENTE DUN GOBERNO DE DIÁLOGO, DE PARTICIPACIÓN E DE DEFENSA DOS INTERESES DA MAIORÍA NON ME VAI QUEDAR ATRÁS A NECECESARIA MODIFICACIÓN DO PXOM. UN PLAN XERAL QUE NON CONTOU COS SEUS PRINCIPAIS PROTAGONISTAS E QUE, POLO TANTO, É DE XUSTIZA QUE, NAQUELO QUE NOS PERMITA A LEI, SE FAGAN CAMBIOS: O PRIMEIRO, SODES TESTEMUÑAS DESTA AFIRMACIÓN, SERÁ O CAMBIO DE TRAZADO DA MALCHAMADA CIRCUNVALACIÓN. O SEU TRAZADO NON PODE SER A CONDENA DE CENTOS DE VECIÑOS E VECIÑAS A NON PODER VIVIR TRANQUILOS E SEGUROS O RESTO DA SÚA VIDA. POR ILÓXICO E POR INXUSTO, ESTE SERÁ O MEU PRIMEIRO PASO PARA CAMBIAR E MELLORAR UN PLAN XERAL QUE SE FIXO PENSANDO NO BENEFICIO SÓ DUNS POUCOS.-          TEÑO OUTRA TEIMA, UNHA TEIMA QUE PARA SER REALIDADE SÓ NECESITA DE VERDADEIRA VONTADE POLÍTICA. A FALTA DE COIDADO MEDIOAMBIENTAL DESTE POBO NON PODE SER ETERNAMENTE DISFRAZADO COA CONSTRUCIÓN DE MILES DE METROS DE PASEOS MARÍTIMOS. A REXENERACIÓN MEDIOAMBIENTAL DO NOSO CONCELLO NECESITA DE SENSIBILIDADE, PERO TAMÉN DE FIRMEZA. NON PODEMOS SEGUIR OFRECÉNDOLLE A PROPIOS E ESTRANOS A PROMOCIÓN TURÍSTICA DESTE CONCELLO E DESTA COMARCA TENDO UNHA CHARCA VERGONZANTE E NAUSEABUNDA COMO PORTA DE ENTRADA DA PRINCIPAL ZONA DE PRAIAS DE TODO O CONCELLO. AS XUNQUEIRAS DO AREAL, ANTES QUE NINGÚN PASEO MARÍTIMO MÁIS, ADQUIREN NO GOBERNO MUNICIPAL DO BNG MÁXIMA PRIORIDADE. ¿DE QUE NOS VALE, SENÓN, QUE O NOSO DIRECTOR XERAL DE TURISMO, RUBÉN  LOIS, POÑA TODO O EMPEÑO EN CREAR O CONSORCIO DE TURISMO DA BARBANZA, ONDE O CONCELLO PARTICIPA, SE LOGO NON SE COIDA O NOSO PRINCIPAL TESOURO, A NOSA RIQUEZA?.-          DO MESMO XEITO, E PARALELAMENTE, O NOSO PATRIMONIO CULTURAL, LINGÜÍSTICO, ARTÍSTICO, PAISAXÍSTICO, ARQUEOLÓXICO E HISTÓRICO, SON OS NOSOS XENES, AS NOSAS SEÑAS DE IDENTIDADE, A NOSA MILLOR PROPAGANDA, A PRIMEIRA E MÁIS IMPORTANTE DAS NOSA HERDANZAS. COMO ALCALDESA, E COMO NACIONALISTA, O MEU COMPROMISO É CO MEU POBO, CO MEU PAÍS, CO NOSO, CO QUE É SÓ NOSO E AO MESMO TEMPO DE TODO O MUNDO, CO QUE NOS DISTINGUE, CO QUE NOS DIFERENCIA E NOS FAI ÚNICOS.   

COMECEI ESTA INTERVENCIÓN, NON VOS PODO MENTIR, REALMENTE NERVIOSA. E AÍNDA O ESTOU. ¿QUEN NON SE PON NERVIOSO CANDO TEN QUE FACER BALANZO DE 4 ANOS DE TRABALLO DIANTE DOS SEUS VECIÑOS E VECIÑAS?. NON ME PREOCUPA RENDERVOS CONTAS PORQUE TEÑO O CONVENCEMENTO DE QUE FOI MOITO E BÓ O NOSO TRABALLO. 

ESTE É MÁIS BEN COMO O NERVIOSISMO DOS EXAMES. SI, CANDO UN SE PRESENTA A UN EXAME QUE TEN PREPARADO, PARA O QUE ESTUDIOU E TRABALLOU, SEMPRE SE PON NERVIOSO. SEN EMBARGO, OS QUE FIXEMOS EXAMES ALGUNHA VEZ SABÉMOLO, AQUELES QUE SE PRESENTAN DESPOIS DE PASAR TODO O CURSO FALTÁNDOLLE AO RESPECTO AOS PROFESORES, FACENDO O GANSO SEMPRE NA CLASE, SEN TOCAR UN LIBRO EN TODO O ANO E CHEO DE CHULETAS PARA COPIAR DELAS E DO COMPAÑEIRO, ESE … ESE PRESÉNTASE TRANQUILO. COA TRANQUILIDADE QUE DÁ SABER QUE NON SE XOGA NADA, QUE NON TEN NADA QUE PERDER, AGÁS O CURSO. E NESTE CURSO E NESTA ESCOLA XA SABEMOS TODOS QUEN É O QUE VAI SUSPENDER. PERO NON SUSPENDER PARA REPETIR. NON, AS OPORTUNIDADES TEÑEN UN LÍMITE, COMO AS CONVOCATORIAS. E ESTÁ CLARÍSIMO QUEN É O QUE AGOTOU XA TODAS AS CONVOCATORIAS. 

AMIGOS E AMIGAS: O BNG XA FOI CABALO GAÑADOR NA OPOSICIÓN. AGORA, CO VOSO PERMISO E CO NOSO ESFORZO, CO MELLOR EQUIPO E O MÁIS CAPAZ, SERÉMOLO TAMÉN NO GOBERNO. 

MOITO ÁNIMO E MOITAS GRAZAS.