Blogs Nacionalistas Galegos

Quin.tv (98 unread)

O día 1 non pode quedar ninguén na casa

Posted: February 27, 2009, 8:31pm CET

Estamos a piques de conseguir un resultado histórico para o BNG, pero o próximo goberno deste país vaise decidir por moi poucos votos. É necesario o voto masivo, e dende aquí vos pido que mobilicedes a toda a vosa xente para que entre todos o día 2 poidamos avanzar no cambio que a xente deste país demostrou que quere. Nós tamén queremos máis, e desta vez podémolo conseguir.

No barrio do Calvario de Vigo

Posted: February 27, 2009, 3:02pm CET

No penúltimo día da campaña electoral estivemos repartindo propaganda no barrio do Calvario de Vigo, un momento moi importante para min porque foi ese barrio onde me criei coa miña familia. Puidemos sentir a calor da xente que pasaba por alí e pedirlles un último empurrón de apoio para o BNG no próximo 1 de marzo.

Encontro con novas e novos creadores

Posted: February 26, 2009, 10:46pm CET

O talento e a ambición creativa son dúas cualidades que nunca lle faltaron a este país nin á nosa mocidade, por máis que o PP fixese o posíbel por ocultalas mentres gobernou. Estivemos en Santiago con varios centos de creadores e creadoras novas para presentar os nosos proxectos en canto a promoción, formación e difusión do noso talento na vindeira lexislatura.

Visita á Torre de Hércules

Posted: February 26, 2009, 1:17am CET

Cos compañeiros da Coruña visitei a Torre de Hércules, todo un exemplo do que supón nas políticas do BNG a preocupación polo noso patrimonio, e un símbolo do que é Galiza no mundo: un país volcado ao mar. Non queremos ser un país calquera e o faro é un símbolo un símbolo do país que queremos ser, a avanzada en Europa nun inmenso mar de liberdade.

Feijoo está a facer a campaña máis suxa que se recorda

Posted: February 25, 2009, 6:40pm CET

A mentira, a difamación, e agora tamén os paparazzi son as armas que está a utilizar o señor Núñez Feijoo nesta campaña, a máis suxa e rastreira das que se recordan. Por inventar ata inventan accidentes de tráfico. Non sei ata onde quere chegar o PPdeG antes do 1 de marzo, o que está claro é que Feijoo é demasiado covarde para querer defender esas mentiras debatendo. E con, todo, non nos van tumbar. Esta política de difamacións terá o seu xusto castigo o vindeiro domingo nas urnas.

Feijoo está a facer a campaña máis suxa que se recorda

O reggaetón de Quintana

Posted: February 23, 2009, 9:32pm CET

Un videoclip coa actividade de Quintana nos últimos meses a ritmo de reggaetón...

Queremos máis avances en Vivenda

Posted: February 23, 2009, 9:20pm CET

Fomos ata Lugo para visitar unha das vivendas que a nosa Consellaría rehabilitou na zona da Tinería para poñelas en aluguer para as rendas máis baixas. Alí comentei con Lucía, María e os fillos desta os problemas que ten a xente máis nova para acceder a unha vivenda, e espuxen as propostas do BNG para que haxa máis avances na vindeira lexislatura. Entre eles, a creación dun fondo social de vivenda e dun observatorio galego do sector.

Debate coa cidadanía (e III)

Posted: February 23, 2009, 12:19am CET

Terceira e última parte do debate con cidadáns da Coruña, onde falamos entre outras cousas dos coidados paliativos, do Estatuto de Nación, da Lei de Normalización lingüística e da Lei da Dependencia.

Debate coa cidadanía (II)

Posted: February 22, 2009, 2:26am CET

Segunda parte do encontro que mantiven con cidadáns coruñeses. Neste caso preguntáronme pola inmigración e a venda ambulante, pola vivenda protexida, pola discapacidade e o paro, polo botellón e polas pensións da xente viúva.

Debate coa cidadanía (I)

Posted: February 21, 2009, 12:38pm CET

Ante a negativa do candidato do Partido Popular de asistir ao debate convocado pola TVG, nós si celebramos ese mesmo día un debate cos cidadáns onde me puideron preguntar todo aquilo que lles preocupaba. Este é o primeiro fragmento dese debate, no que se falou do Plan de Boloña e das universidades, do imposto de sucesións e dos salarios dos cargos políticos.

Polo rearme produtivo do sector pesqueiro

Posted: February 20, 2009, 12:50am CET

Estivemos na Illa de Arousa para coñecer como se leva a cabo a extracción do mexillón, percorremos en barco a ría, visitamos unha batea e puidemos falar coa xente das confrarías de artes menores de Galiza. Quixemos presentar alí as nosas propostas para o sector pesqueiro, que pasan por un auténtico rearme produtivo e a reclamación de competencias para rematar co Apartheid ao que ten sometida a Unión Europea a Galiza en materia de pesca.

Polo rearme produtivo do sector pesqueiro

Queremos máis deporte

Posted: February 19, 2009, 12:18am CET

Tivemos un encontro no Pavillón de Bouzas coa xente do deporte para presentar as nosas propostas. Queremos máis avances para que Galiza sexa un referente internacional como país de deportistas que somos. O deporte é igualdade, identidade e benestar, e así o entende o BNG.

A cultura que move este país

Posted: February 18, 2009, 12:46am CET

Tivemos un encontro na Coruña con xente do mundo da literatura, da música, das artes escénicas, do audiovisual... para falar as nosas propostas políticas para o ámbito cultural. A proxección da nosa cultura no exterior, a Cidade da Cultura, a unificación das políticas audiovisuais, o libro e a lingua foron algunhas cuestións das que tratamos nun interesante diálogo cos principais axentes culturais.

Xantar-mitin encontro coa mocidade

Posted: February 16, 2009, 12:08am CET

Galiza Nova e o BNG organizaron un xantar en Pontevedra no que se xuntaron 600 mozos da comarca e de toda Galiza para apoiar o proxecto nacionalista de cara ao 1 de marzo. Cómpre que mobilicemos a mocidade para que vaian votar nestas eleccións nas que Galiza se xoga tanto, para que non gañe o PP, que propón, entre outras cousas, o abaratamento do despido como suposta solución ao paro.

Non podemos asumir o slogan do PP de que non houbo cambio

Posted: February 15, 2009, 1:38pm CET

O cambio trasformador que iniciamos hai tres anos e media non foi só para cambiar o resultado da política da dereita dos 16 anos do Goberno de Fraga, senón que aquí levaba gobernando a dereita máis de 50 anos. Debemos darlle continuidade a ese cambio porque é moito o que nos xogamos. Galiza non pode agora volver atrás.

Non podemos asumir o slogan do PP de que non houbo cambio

Inicio da campaña electoral

Posted: February 13, 2009, 10:15pm CET

Xuntámonos unha morea de militantes e simpatizantes do BNG en Santiago para dar comezo á campaña electoral. Moitas grazas a todos por estar aí. Estes 15 días faremos que a proposta ilusionante do nacionalismo chegue a todos os recunchos, e que o amor que a xente sente por Galiza se traduza en votos o día 1 de marzo. Ánimo e adiante!

Presentando o noso proxecto de goberno no Club Faro de Vigo

Posted: February 13, 2009, 4:43pm CET

Pronunciei unha conferencia en Vigo, convidado polo Club Faro, na que espuxen os 10 puntos fundamentais nos que se basea a nosa proposta para o uso do autogoberno en Galiza. Velaquí un resume.

Presentando o noso proxecto de goberno no Club Faro de Vigo

Contra a división entre os que falan galego e os que falan castelán

Posted: February 12, 2009, 6:28pm CET

Non entendo que mal lle fixo o galego á xente que quere dividir a poboación entre os que falan galego e os que falan castelán. Así o expresei durante a miña conferencia no Club Faro de Vigo.

Contra a división entre os que falan galego e os que falan castelán

Tuenti, rede e precampaña electoral

Posted: February 11, 2009, 2:59pm CET

Un dos estudantes de Comunicación de Pontevedra preguntou por Tuenti e polo uso cada vez maior da Rede nas campañas electorais, incluído este videoblog. Outros estudantes opinan sobre a presenza dos políticos en internet e tamén nas aulas universitarias.

Encontro con estudantes de Comunicación e Publicidade

Posted: February 11, 2009, 1:12am CET

Os estudantes da Facultade de Ciencias Sociais e da Comunicación convidáronme a un encontro no que falamos das eleccións, dos debates, da universidade e da innovación, da AP-9 e de moitas máis cousas.

Encontro con estudantes de Comunicación e Publicidade

Queremos máis avances no medio rural

Posted: February 9, 2009, 7:41pm CET

Labregas e labregos de toda Galiza destacan os avances que logrou o goberno do BNG nos últimos anos, e a boa acollida que tiveron no campesiñado galego.

No Acto Nacional do Medio Rural

Posted: February 8, 2009, 2:32pm CET

Xuntámonos no mercado de Amio (Compostela) máis dun milleiro de persoas para pedir máis avances no medio rural e demostrar que a nosa economía produtiva ten futuro cun goberno que mire por ela como fixo o BNG na última lexislatura.

Resposta sobre telecomunicacións

Posted: February 5, 2009, 12:04pm CET

Resposta a Antonio Prego, que pregunta se se pode mellorar en Galiza o sistema de telecomunicacións e a teleasistencia.

Resposta á pantasma de Castelao

Posted: February 5, 2009, 12:02pm CET

Aínda que non creo nas pantasmas, resposteille á de Castelao porque estou basicamente de acordo co que di. Este videoblog é unha proba diso.

Resposta sobre o sector vitivinícola en Valdeorras

Posted: February 5, 2009, 11:54am CET

Bautista, de Teixeiro, preguntoume polo abandono da industria vitivinícola na comarca de Valdeorras. Podes ver o resto de videopreguntas e respostas na sección Fálame.

Resposta sobre o sector vitivin�cola en Valdeorras

Resposta sobre o cambio climático

Posted: February 5, 2009, 11:50am CET

Resposta a Adriana, que me preguntou se ela poderá gozar do planeta no que viviron seus pais e cales son as políticas do BNG ao respecto do cambio climático.

Resposta sobre a participación en Quin.TV de cara ás eleccións

Posted: February 5, 2009, 11:45am CET

Resposta a quinte, que no seu video falou de propostas para aumentar a paritipación en Quin.TV nas eleccións e despois, para darlle continuidade.

Resposta sobre a participación en Quin.TV de cara ás eleccións

Resposta sobre a política lingüística

Posted: February 5, 2009, 11:41am CET

Resposta a dvendrell, que preguntou se o BNG asumiría as competencias en política lingüística de repetirse o bipartito. Iso teredes que decidilo os votantes...

Resposta sobre a entonación

Posted: February 5, 2009, 11:37am CET

Resposta a Manuel, que enviou un vídeo preguntando por que os políticos disque falamos todos igual. Eu non estou de acordo.

Resposta sobre o Courel

Posted: February 5, 2009, 11:33am CET

A miña resposta a "Nin falar se pode...", que enviou un vídeo preguntando se "O Courel existe".

Queremos máis avances en igualdade

Posted: February 2, 2009, 9:40pm CET

Mulleres chegadas de toda Galiza para asistir o Acto Nacional do BNG sobre políticas en Igualdade, valoran a política levada a cabo polo Goberno nacionalista nestes tres anos e medio, e o impacto na calidade de vida das mulleres deste país.

No Acto Nacional de Igualdade

Posted: February 1, 2009, 12:42pm CET

Celebramos en Santiago un Acto Nacional que congregou un milleiro de persoas, na súa maioría mulleres procedentes de toda Galiza, e no que presentamos o noso programa de políticas en Igualdade. É moito o que fixemos os últimos 3 anos e medio para que as mulleres acadaran máis tempo, máis servizos, máis xustiza e máis protección contra a discriminación e a violencia de xénero, pero aínda queda moito por facer.

Visita ao complexo de atletismo de INEF en Bastiagueiro

Posted: January 30, 2009, 12:02am CET

Visitei xunto coa conselleira de Cultura e Deporte, Ánxela Bugallo, o remodelado complexo de atletismo de INEF en Bastiagueiro (Oleiros). Esta é unha obra que levaba anos reclamando a universidade, xa que as pistas de atletismo se atopaban moi deterioradas, e foi o Goberno galego o que por fin cumpriu o compromiso asinado en 2005 de levar a cabo esta obra, dentro da nova política realizada pola Consellaría para apoiar o deporte base.

Visita ao complexo de atletismo de INEF en Bastiagueiro

Sobre o voto emigrante

Posted: January 27, 2009, 12:26am CET

Calquera demócrata de calqura país debería sentirse avergonzado polo sistema actual do voto emigrante, e polo feito de que en plena campaña a Xunta Electoral teña que dicir que a xente cando vaia votar se identifique.

Propostas sobre política de emprego

Posted: January 26, 2009, 11:27pm CET

Se algo podemos facer para paliar os efectos da crise é utilizar o noso autogoberno para mellorar o nivel de vida dos cidadáns e cidadás galegas na medida do posíbel. Por exemplo, mellorando o poder adquisitivo das persoas paradas de longa duración, cun complemento autonómico que poñeremos en marcha na vindeira lexislatura.

Convención Nacional Electoral

Posted: January 21, 2009, 3:08pm CET

Resumo da Convención Nacional Electoral celebrada o 17 de xaneiro en Santiago de Compostela, coas intervencións dos cabezas de lista Alfredo Suárez Canal (Ourense), Ana Pontón (2ª pola Coruña), Fernando Blanco (Lugo) e Teresa Táboas (Pontevedra).

Discurso na Convención Nacional

Posted: January 20, 2009, 6:41pm CET

Extracto do mitin que pronunciei o sábado 17 de xaneiro na Convención Nacional Electoral do BNG en Santiago, coa que iniamos a precampaña para as eleccións autonómicas. Estamos convencidos de que converter o amor a Galiza en compromiso político vainos levar a un resultado histórico o 1-M.

Galiza con Palestina

Posted: January 19, 2009, 9:38pm CET

O BNG foi unha das organizacións convocantes da manifestación nacional que se celebrou en Santiago este domingo. Alí estivemos xunto con milleiros de galegos solidarios coa paz internacional e indignados polo masacre que está a cometer Israel en Gaza con total impunidade.

Citroën debe manter os postos de traballo

Posted: January 19, 2009, 11:36am CET

Non pode ser que, despois dos fondos públicos recibidos e do traballo que o Goberno galego está a facer co sector da automoción, a industria responda cada semana coa posibilidade dunha nova regulación de emprego. Por iso hai que reclamarlles ás empresas un esforzo da mesma magnitude que o que se está a facer dende as institucións por eles.

Citroën debe manter os postos de traballo

Ilusión para acadarmos un resultado histórico

Posted: January 18, 2009, 4:05pm CET

Estou moi contento e satisfeito da forza e da ilusión que demostraron os compañeiros e compañeiras do BNG na convención nacional electoral. Con ela estou seguro que alcanzaremos un resultado histórico o vindeiro 1 de marzo.

Axiña poderedes ver aquí máis imaxes da convención que celebrou este sábado 17 en Santiago o BNG.

Ilusión para acadarmos un resultado histórico

Visita ás vivendas en rehabilitación de Muros

Posted: January 18, 2009, 11:10am CET

Acompañei a conselleira de Vivenda e o alcalde de Muros a ver o traballo que se está facendo no casco vello de Muros para rehabilitar as vivendas, reconstruír e renovar os espazos públicos desa zona. Galiza ten o parque de vivendas abandonadas ou en ruína máis grande de Europa e, polo tanto, estamos a facer un esforzo importante en materia de rehabilitación.

Visita ás vivendas en rehabilitación de Muros

En ruta co 065

Posted: January 17, 2009, 4:26pm CET

Percorremos as comarcas de Xallas e de Noia para acompañar un vehículo do 065, o transporte adaptado que leva as persoas maiores ata os centros de día, que neste caso era o de Outes. Alí puidemos comprobar o bo funcionamente deste servizo, que hoxe conta con 44 vehículos e dá cobertura a 130 concellos con 22.000 usuarios potenciais, e que se estenderá ata chegar a 122 coches que darán cobertura a 100.000 usuarios. Nada sería posíbel sen a colaboración dos concellos coa Vicepresidencia.

Eu son Anxo Quintana

Posted: January 16, 2009, 8:22pm CET

Cando se trata de defender este país... tod@s somos Anxo Quintana.

Apertura do centro Quérote da Coruña

Posted: January 10, 2009, 10:38am CET

Abrimos na rúa das Panadeiras da Coruña o séptimo centro da rede Quérote, que dende a Dirección Xeral de Xuventude puxemos en marcha nesta lexislatura. Como Goberno temos a responsabilidade de ofrecer unha información veraz, accesible e rigorosa, para que a mocidade poida vivir unha sexualidade responsable e segura. Alí tamén tiven ocasión de falar con varias ducias de mozos e mozas, sobre cuestións como a Lei do Aborto ou a actitude da Igrexa perante as relacións sexuais.

Sobre a titularidade da AP-9

Posted: January 9, 2009, 8:47pm CET

A nosa postura sobre a Autoestrada do Atlántico é clara: o PP privatizouna porque entende que a autoestrada é un negocio, e eu creo que debe de ser un servizo público de interese xeral. O que non quero é xestionar o modelo do PP, o que quero é exercer o goberno para cambiar o modelo do PP, porque a crise ensinounos que non sempre o privado é bo e non sempre o público é malo.

Os nosos desexos para o 2009

Posted: December 29, 2008, 10:49pm CET

Un bo fato de compañeiras e compañeiros do BNG -deputados, cargos públicos, alcaldes e alcaldesas...- formulan os seus desexos para o 2009, un ano que vai ser moi importante para nós e para toda Galiza. E en todo caso un ano que nos obriga a mirar cara a diante, porque a nosa é unha forza de futuro.

No encontro Galiza-Irán

Posted: December 28, 2008, 7:14pm CET

Milleiros de persoas acudimos ao estadio de Riazor para ver xogar por cuarta vez a Selección Galega, nun gran partido contra Irán. O frío non puido quitarnos a calor da bancada, nin que gozaramos cos goles e co bo xogo noso equipo.

Boas festas e feliz ano

Posted: December 24, 2008, 2:27pm CET

Non quero deixar pasar a ocasión de felicitarvos por estas datas e mandarvos unha mensaxe de forza, alegría e ilusión, dende unha forza política ilusionante como é o BNG. Boas festas.

O BNG, decisivo en Madrid

Posted: December 22, 2008, 9:57pm CET

Estes días estou en Madrid para pechar o traspaso do paquete de competencias pendentes dende o Goberno central á Xunta e para constituír a subcomisión de seguimento das infraestruturas galegas -como o tren de alta velocidade-, aprobada polo Congreso a petición do BNG. De novo cumprimos co compromiso de institucionalizar a relación bilateral Xunta-Estado, de avanzar no autogoberno, facendo que Galiza dunha vez empece a ser decisiva en Madrid.

Encontro con alcaldes e cargos do BNG

Posted: December 21, 2008, 11:56am CET

No Consello Nacional do BNG deste sábado tivemos un encontro cos alcaldes e cos cargos institucionais do BNG. Dirixinme a eles para facer un repaso polo cambio transformador que puxemos en marcha estes tres anos, e no que se demostrou a nosa forma de facer política, comprometándonos coa cidadanía e cumprindo eses compromisos. Este será o noso principal valor para afrontar a campaña electoral e para convencer a xente de que o seguinte chanzo para conseguir este cambio ten que pasar pola consecució do Estatuto de Nación para Galiza.

Responsábeis do centro social Hermanos Misioneros de Vigo falan de Quin

Posted: December 19, 2008, 11:34pm CET

Responsábeis do centro social Hermanos Misioneros dos Enfermos Pobres de Vigo falaron para Quin.TV da política social da Vicepresidencia da Xunta e mais de Anxo Quintana.

Responsábeis do centro social Hermanos Misioneros de Vigo falan de Quin

Visita ao centro dos Hermanos Misioneros dos Enfermos Pobres de Vigo

Posted: December 19, 2008, 11:49am CET

Nos momentos de crise económica é moi inxusto que só se fale dos bancos ou da bolsa, cando quen máis a padece é a xente, e as consecuencias sociais poden ser terríbeis se non se multiplican os esforzos para atender aos que menos teñen. No Goberno estamos traballando por reforzar os servizos sociais, e isto pasa por axudar aos que levan moito tempo traballando neste sentido, como é o centro da entidade social que fomos visitar nesta ocasión.

Visita ao centro dos Hermanos Misioneros dos Enfermos Pobres de Vigo

Afrontamos con optimismo a data electoral

Posted: December 18, 2008, 5:21pm CET

O presidente da Xunta anunciou que as eleccións para elixir o Parlamento Galego vanse celebrar o vindeiro 1 de marzo. O BNG afronta con ilusión esa convocatoria, coa confianza de estamos nun bo momento político e de que somos unha forza en ascenso, que cumpre coa cidadanía.

Afrontamos con optimismo a data electoral

Reclamamos tempo para as mulleres

Posted: December 15, 2008, 10:40am CET

Xuntámonos con 5.700 mulleres en Silleda para celebrar o remate por este ano do programa Tempos de Mulleres, unha iniciativa para nós moi importante porque permite que as mulleres adquiran confianza nelas mesmas, algo fundamental para acadarmos a igualdade.

Presentación do libro "Vontade de nación"

Posted: December 14, 2008, 5:45pm CET

Presentamos o libro "Vontade de nación", froito dunha serie de longas conversas que tiven con Xosé Luís Barreiro Rivas. Tanto o editor -Xabier Paz- como Barreiro, que o escribiu, coma min nos sentimos moi arroupados por amigos e compañeiros nun acto que se celebrou na sé da Fundación Caixa Galicia de Compostela.

Estudantes falan de Quin

Posted: December 12, 2008, 9:27am CET

Estudantes de primeiro de Xornalismo da USC falan de Anxo Quintana: de que lles parece como político, das expectativas de cara ás eleccións e tamén da presenza da política na rede e, como non, de Quin.TV

Encontro con estudantes de xornalismo: cuestións de actualidade

Posted: December 11, 2008, 11:33am CET

Como non podía ser doutro xeito, os estudantes quixeron que me mollase en cuestións como o concursión eólico, Ence, a Cidade da Cultura, o financiamento autonómico ou a Lei de Partidos. E así o fixen.

Os estudantes de xornalismo preguntan

Posted: December 10, 2008, 6:51pm CET

Algunhas das súas cuestións tiveron que ver coas perspectivas electorais e co balance destes anos de Goberno. Pedíronme que recoñecese erros, e tamén me preguntaron que pasaría se o BNG empeora os resultados electorais no vindeiro marzo. Velaquí as respostas.

Encontro con estudantes de xornalismo

Posted: December 10, 2008, 12:08pm CET

Fun á facultade de Xornalismo de Santiago para comparecer ante un cento de estudantes de 1º curso nunha auténtica e intensiva rolda de prensa. Comecei expoñendo a miña visión da situación política, facendo balance do traballo no Goberno e expoñendo os obxectivos do BNG para o futuro. Despois empezaron eles coas súas preguntas. Aquí tedes un adianto, en vindeiros vídeos veredes máis.

Encontro con entidades de acción voluntaria

Posted: December 6, 2008, 7:18pm CET

No encontro con organizacións voluntarias no Día Mundial do Voluntariado, membros destas entidades trasladáronme os seus problemas, nun diálogo que foi moi interesante e tamén emotivo. Ata me convidaron a visitar un destes centros para os máis favorecidos, cousa que me comprometín a facer antes de que remate o ano.

Encontro con entidades de acción voluntaria

No Día Mundial do Voluntariado

Posted: December 6, 2008, 12:04am CET

Nun momento de crise coma este, quixemos aproveitar Día Mundial do Voluntariado para recoñecer o labor de acción social que están facendo centos de persoas a través de distintas asociacións e entidades para axudar os máis desfavorecidos. Contra a exclusión social é a nosa obriga apoiar o traballo dos voluntarios, e por iso imos duplicar os fondos destinados a estas asociacións, para albergues e comedores sociais e outras actividades. Do mesmo xeito temos previsto ao comezo da vindeira lexislatura sacar adiante a primeira lei contra a exclusión social.

Resposta a VirtuaNestor: a Copa Galiza e o apoio ao deporte base

Posted: December 4, 2008, 1:01am CET

Resposta a Maño: formas alternativas de transporte

Posted: December 3, 2008, 1:13pm CET

Resposta a Luís: o novo Estatuto

Posted: December 3, 2008, 1:07pm CET

Resposta a Alema: o reintegracionismo

Posted: December 3, 2008, 1:04pm CET

Resposta a Mónica: sobre a crise económica

Posted: December 3, 2008, 12:55pm CET

Resposta a Andrés Milleiro: a miña visión da Rede

Posted: December 3, 2008, 12:50pm CET

Resposta a Esther, sobre a Lei de Dependencia e a situación do rural

Posted: December 3, 2008, 12:47pm CET

É o momento de eliminar o veto a Astano

Posted: November 29, 2008, 11:07pm CET

A crise demostrou que a economía especulativa é un fracaso, e que cómpre apostar e apoiar firmemente a economía produtiva. Non entendo que o Goberno apoie operacións para a venda de Repsol, ou a compra de Fenosa por parte de Gas Natural, mentres en Galiza temos factorías produtivas como Navantia-Fene (antiga Astano) paradas por culpa do Goberno central. Este é o momento de reclamarlle a Madrid dunha vez por todas que nos deixen facer barcos, para que o empresariado galego poida crear industria competiva a nivel mundial e postos de traballo para a xente do país. Grazas a unha pregunta de Francisco Jorquera o presidente Zapatero manifestou no Congreso o seu compromiso de levar o tema á Unión Europea. O BNG vai traballar intensamente estes días para vixilar que este compromiso se cumpra.

Encontro con mulleres rurais

Posted: November 29, 2008, 10:26pm CET

Asistín co conselleiro do Medio Rural a un encontro con mulleres rurais de toda Galiza, para reafirmar diante delas o noso compromiso de rematar coa discriminación das mulleres no rural. Esta é unha cuestión de igualdade e de xustiza, pero tamén de eficiencia económica.

Celebrando a aprobación da Lei de Servizos Sociais

Posted: November 29, 2008, 12:04pm CET

Organizamos en Santiago un acto para celebrar a aprobación da Lei de Servizos Sociais no Parlamento galego. Estou moi orgulloso de que o primeiro documento nacional de identidade que existe en Galiza sexa unha tarxeta social para a igualdade e o benestar da cidadanía. Quero que isto sexa un dos nosos grandes sinais de identidade, para que o país sexa coñecido no mundo non só pola súa cultura ou idioma, senón tamén como país á vangarda na igualdade e no benestar.

Aprobación da Lei de Servizos Sociais

Posted: November 26, 2008, 10:50pm CET

O Parlamento debateu e aprobou a Lei de Servizos Sociais, sen ningún voto en contra. A aprobación deste novo marco lexislativo é moi importante porque nace da participación dos sectores sociais máis afectados. Desta lei nace a tarxeta social, que será primeiro documento de identidade universal para todos os galegos e galegas.

Mulleres contra a violencia de xénero

Posted: November 25, 2008, 12:32am CET

Tres mulleres de distintos ámbitos falan sobre a loita contra a violencia de xénero, no marco da campaña "E eu que podo facer?"

Entrega do premio Eu tamén navegar

Posted: November 23, 2008, 7:38pm CET

Entregamos por terceiro ano o premio Eu tamén navegar, que recoñece o labor de entidades ou persoas contra a violencia de xénero. Esta vez a merecedora do premio foi a ONG Implicadas polo desenvolvemento, que leva adiante María Reimóndez.

Nos Premios Tesoira 08

Posted: November 21, 2008, 4:07pm CET

Asistín en Vigo á gala de entrega de premios do Certame Tesoira 08, que organiza a Dirección Xeral de Xuventude. É moi satisfactorio ver o talento que ten a mocidade nun sector coma o téxtil, que é estratéxico para Galiza. O futuro é deles.

No Día Internacional dos Dereitos da Infancia

Posted: November 21, 2008, 10:28am CET

Xunteime cun grupo de nenos e nenas de Santiago para celebrar o Día Internacional dos Dereitos da Infancia. Alí déronnos unha lección sobre cales son os dereitos que para eles máis merecen ser coidados. Contáronme que estiveron aprendendo a ser corresponsábeis no fogar, coa axuda do videoxogo Misión Eos que presentou a Secretaría Xeral de Igualdade, e ata o puxeron na práctica cociñando uns pinchos boísimos.

No D�a Internacional dos Dereitos da Infancia

Redeiras falan de Quin

Posted: November 18, 2008, 8:36pm CET

Redeiras de distintas vilas falan dos avances que se produciu no seu colectivo nos últimos anos e das políticas do BNG apoiando o traballo das mulleres no sector pesqueiro.

Sobre a creación do Instituto de Crédito Galego

Posted: November 15, 2008, 8:56pm CET

A crise obríganos a tomar medidas valientes. A inxección de diñeiro público ao sistema financeiro non é unha medida suficiente e mesmo pode ser contraditoria. O que temos que facer dende Galiza, utilizando o autogoberno, é crear o Instituto de Crédito Galego, coa participación do Goberno e das entidades financeiras, dun portelo único onde a xente poida buscar axudas e crédito para crear empresas e sacar adiante a nosa economía. É unha proposta que convén debatir democraticamente, mais alá de polémicas derivadas da propia proposta.

Sobre a creación do Instituto de Crédito Galego

"Quintana demostroume que cumpriu"

Posted: November 15, 2008, 8:18pm CET

Manuela, redeira de Aguiño, cre que Quin é un político diferente aos outros: "Este tamén prometeu cousas, pero polo menos demostrou que o que prometeu cumpriuno".

Galiza, referente na atención a maiores

Posted: November 14, 2008, 9:59pm CET

Cando entramos no Goberno hai tres anos propuxémonos abrazar a oportunidade que supón a realidade demográfica do país -un dos de Europa con maior taxa de envellecemento poboacional- para esforzarnos por ser os que máis soubéramos do traballo e atención aos maiores de toda Europa e por ter a mellor e máis eficaz rede pública. Creo que nos últimos tres anos fixemos moito neste sentido, trazando a ruta correcta pola que temos que seguir guiándonos no futuro.

Conversa coas redeiras

Posted: November 14, 2008, 9:58pm CET

En Cangas puiden falar de ti a ti coas redeiras, que me trasladaron os problemas que ten o seu sector. Aquí podedes ver algunhas das súas cuestións e algunhas das miñas respostas.

Encontro con redeiras en Cangas

Posted: November 14, 2008, 11:52am CET

Acudín a Cangas para a clausura das xornadas "Proxecto Arlinga: Leccións aprendidas e retos de futuro", organizadas pola Secretaría Xeral de Igualdade para analizar a marcha deste programa e os obxectivos de futuro. E alí tiven ocasión de falar cara a cara con redeiras de toda Galiza.

Saúdo de Günther Dauwen, da Alianza Libre Europea

Posted: November 12, 2008, 1:56pm CET

O director da EFA (Alianza Libre Europea), o flamengo Günther Dauwen, felicita os galegos polos logros que conseguiu o nacionalismo no Goberno, un exemplo a compartir con todas nacións sen Estado europeas.

Saúdo de Günther Dauwen, da Alianza Libre Europea

Saúdo de Jill Evans

Posted: November 11, 2008, 7:14pm CET

A eurodeputada polo Plaid Cymru, a galesa Jill Evans, visitou Galiza por primeira vez estes días convidada pola Fundación Galiza Sempre. Non quixo perder a ocasión de enviar unha mensaxe para os galegos e galegas a través do videoblog.

Clausura do Seminario "Outra Europa: a alternativa das nacións sen Estado"

Posted: November 10, 2008, 5:56pm CET

Participei na clausura do seminario "Outra Europa: a alternativa das nacións sen Estado", que organizou a Fundación Galiza Sempre. Alí presentei unha ponencia na que avogo polo autogoberno pola mellor solución que temos as nacións sen Estado para coidarmos da nosa economía, propoñendo medidas como a creación dun organismo galego de crédito que permita poñermos o sistema financeiro ao servizo da economía produtiva.

Na visita de Jordi Pujol a Galiza

Posted: November 10, 2008, 10:46am CET

O presidende de CDC estivo a fin de semana en Galiza, convidado pola Vicepresidencia a través da Dirección Xeral de Xuventude e Solidariedade. Foi un pracer para min presentalo na conferencia que deu sobre Globalización: presente, pasado e futuro, onde Jordi Pujol nos ofreceu non só todo o seu saber e experiencia política, senón tamén un gran sentido do humor.

Jordi Pujol e o nacionalismo galego

Posted: November 8, 2008, 3:45pm CET

O presidente de Convergència Democràtica de Catalunya destaca para Quin.TV a evolución de Galiza e do nacionalismo galego nos últimos anos.

Presentación da campaña contra a violencia de xénero

Posted: November 7, 2008, 11:47am CET

Presentamos a campaña "E eu, que podo facer? Atrévete contra a violencia machista", na compaña de María Castro, Jorge Mira, Yolanda Castaño e Xosé Manuel Piñeiro, que prestaron de maneira desinteresada a súa imaxe para sensibilizar e mobilizar a toda a poboación. Queremos rematar co silencio, coa pasividade e coa indiferenza que aínda persisten en moitos casos. Aspiro a que no día de mañá Galiza sexa recoñedida no mundo como a nación da igualdade e que a violencia machista sexa un recordo do pasado.

Presentación da campaña contra a violencia de xénero

Quintana felicita a Obama

Posted: November 5, 2008, 8:27pm CET

A vitoria de Obama representa todo un caudal de ilusión e está baseado nun movemento popular. A súa elección demostra que loitar pola utopía merece a pena e que hai que confiar nas propias posibilidades. A súa autoestima fainos falta en Galiza.

Entrevista en CNN+

Posted: November 3, 2008, 3:12pm CET

O director de informativos de CNN+, Antonio San José, entrevistoume no seu espazo Cara a cara. Podedes ver aquí a conversa completa.

Presentación do Plan Sectorial de Solo Residencial en Vigo

Posted: November 1, 2008, 10:05am CET

A conselleira de Vivenda, Teresa Táboas, e mais eu presentamos o Plan Sectorial Galego de Solo Residencial para a área funcional de Vigo, a través do cal se levarán a cabo 28 actuacións para construír 15.200 vivendas distribuídas en 15 concellos. Trátase dunha medida imaxinativa estendida a toda Galiza, coa que pretendemos que haxa vivenda ao servizo da xente e evitar que siga habendo xente ao servizo das vivendas.

Presentación do Plan Sectorial de Solo Residencial en Vigo

Orzamentos 2009: Xuventude

Posted: October 27, 2008, 9:58am CET

As políticas cara a mocidade contan en 2009 cun orzamento de 14,7 millóns de euros. A esta partida específica da Dirección Xeral hai que engadirlle as actuacións transversais doutros departamentos autonómicos que repercuten nos máis novos, e tamén os fondos adscritos á Secretaría Xeral da Vicepresidencia para o aumento e mellora dos centros xuvenís.

Orzamentos 2009: Igualdade

Posted: October 27, 2008, 9:50am CET

A Secretaría Xeral da Igualdade xestionará no 2009 58,9 millóns de euros, o que supón un incremento do 8,7% con respecto ao orzamentado en 2008. Máis da metade do orzamento dirixirase á conciliación laboral e familiar de homes e mulleres, incrementando a partida destinada á extensión da Rede Galescola. A mediación e educación familiar, a promoción da participación das mulleres na sociedade e do emprendemento feminino son outros dos alicerces das nosas políticas de igualdade, xunto coa loita contra a violencia de xénero e o reforzo do Salario da Liberdade.

Orzamentos 2009: Política social

Posted: October 27, 2008, 9:45am CET

Na acción social é onde fixemos o maior esforzo orzamentario desta lexislatura. Dende hai tres anos o presuposto destinado á mellora da igualdade e do benestar dos galegos e das galegas aumentou nun 67%, pasando de 327 millóns de euros en 2005 a 547 millóns en 2009.

Orzamentos 2009: Autogoberno

Posted: October 26, 2008, 9:39am CET

A través da Secretaría Xeral de Relacións Institucionais seguiremos traballando para reforzar as relacións Galiza-Estado e a defensa do autogoberno como instrumento para acadar maior benestar para os galegos e as galegas.

Orzamentos da Vicepresidencia para o ano 2009

Posted: October 25, 2008, 8:37am CEST

Comparecín na comisión terceira do Parlamento para presentar os orzamentos da Vicepresidencia para o 2009. O diñeiro que destinaremos o vindeiro ano ás políticas sociais, á igualdade e á defensa do autogoberno ascende a 546,7 millóns de euros, o que supón un incremento do 10,8% con respecto ao 2008 e a ratificación do compromiso do Goberno galego coas políticas sociais nun momento de crise económica.

Nos vindeiros días iredes vendo con detalle o diñeiro que hai orzamentado para cada partida e plan de acción nos que estamos a traballar.

Orzamentos da Vicepresidencia para o ano 2009

No concerto de Fuxan os Ventos

Posted: October 21, 2008, 9:32pm CEST

Asistín ao concerto que Fuxan os Ventos deron esta fin de semana en Compostela, no que foi unha cita moi especial para min. Emocioneime e gocei un montón coas cancións deste grupo, todo un referente para o noso país. E puiden saudar ao rematar a unha das súas compoñentes, Tareixa Novo, coa que comparto traballo no BNG e na Vicepresidencia da Xunta.

Na Marcha Mundial das Mulleres

Posted: October 20, 2008, 4:13pm CEST

Acudín a Vigo coas compañeiras e compañeiros do BNG para participar no séptimo encontro internacional da Marcha Mundial das Mulleres. Quixemos poñer de manifesto que a loita pola igualdade entre homes e mulleres é boa para as mulleres, pero tamén o é para o conxunto da sociedade.

Feeds

Quin.tv (98 unread)