|
Recoñecemos que non
resulta doado cumprir os prazos que estipula a lei, presentar os orzamentos
antes do 31 de decembro, pero lamentamos que este ano se retrase a súa
presentación máis do habitual e se pase do mes de febreiro a abril. Non
sabemos se a razón deste retraso pode ser a dificultade para cadrar
determinadas partidas ou para cadrar os gastos e os ingresos, pero por outra
banda, unha vez que hai que contar co habitual retraso, non é xusto
entregarlle aos grupos municipais da oposición un documento de 354 páxinas
con 5 días de prazo para a súa análise (se resulta complexa a súa
elaboración, tamén resulta complexa a súa análise). Estes son uns
orzamentos continuístas, que no caso do
Concello de Cambados isto non é precisamente un eloxio xa que veñen
arrastrando un déficit e que tamén podemos considerar de continuísta. Son unha copia dos anteriores a non ser por
unha operación de crédito da que pronto faremos mención. Ademais son uns orzamentos
lastrados pola mala xestión económica de anos anteriores, o que implicou que no
ano 2007 fora imprescindible a implantación dun PLAN DE SANEAMENTO ECONÓMICO
FINANCIEIRO, logo de repetidos informes negativos da intervención municipal
instando a tomar esta medida. Tras a aprobación de dito Plan (22-02-07) que
tiña como finalidade equilibrar os desaxustes orzamentarios e como medida de
corrección propoñía adquirir o compromiso de non aumentar a carga financieira, e dicir, non acudir a operacións de crédito
durante exercicios 2007 e 2008 (intervención di textualmente sobre esta
medida:“imprescindible para sanear a situación económica do concello”),
e como vemos no orzamento 2008, esto non se está a
cumprir, demostrando unha vez máis a falta de seriedade e responsabilidade
na planificación e xestión económica deste concello. Tras a análise do
documento e do informe da interventora, nel contido, que con bo criterio
aconsella non continuar con operacións de crédito mentres a situación non
sexa favorable (compartimos a opinión da interventora de que a situación
económica do Concello é mala); a interventora di textualmente: “o principio de prudencia aconsellaría
pospoñer a decisión de adopción de novas operacións de crédito ata o momento
no que se produza o saneamento real e efectivo do remanente de tesourería
negativo” (Non é favorable a situación económica dun concello que este
ano parte cun déficit de tesourería de – 1.410.951 euros; isto quere dicir
que se ven gastando máis do que se ingresa e calquera cidadán ou familia sabe
que unha situación así non pode ser
sostible durante moito tempo; o volume de débeda do 37´39% pasará a
ser do 59´43 % ao considerar o importe da operación proxectada) Na operación de
préstamo do FOMIT (Fondo Financieiro do Estado para
a Modernización das Infraestructuras Turísticas ),
na que o Concello solicita e se lle conceden
4´2 millóns de euros, mais para evitar
a previa autorización da Xunta de Galiza, rebaixase esa cantidade a 2´2
millóns. Aínda así, esta última cifra segue a ser unha cantidade
desaconsellada pola interventora debido a o endebedamento actual do Concello,
polo tanto é unha irresponsabilidade tomar esta decisión . Con este orzamento non
se cumpren as medidas propostas pola intervención para acadar o saneamento
económico que se procuraba co Plan aprobado, polo grupo de goberno, o pasado
ano. A intervención municipal propón
unha serie de medidas que como demostraremos a continuación non se están a
cumprir: 1º medida
proposta pola intervención. “rematar coa realización de calquera tipo
de gasto que careza de crédito
orzamentario dispoñible, adecuado e suficiente” Séguese coa política
de comprometer gastos con cargo a partidas nas que non había consignación
suficiente. Así, no Capítulo de Gastos figuran diversos apartados co
encabezamento de “Recoñecemento
extraxudicial de facturas por...”, que supoñen máis de 200.000 euros; o que indicaría que
os cartos se gastan con moita alegría e que ademais non existe o
concepto de planificación económica. 2ª medida
proposta pola intervención. “supresión
ou reducción daqueles gastos que sexan voluntarios
e/ou non obrigatorios” Apartado de Festexos (300.000 euros). Pódese e
débese facer unha Festa do Albariño totalmente digna sen botar a casa pola
ventá. E non pedimos supresión da partida pero si reducción,
sobre todo porque ano tras ano o déficit creado pola organización deste
evento aumenta aritmeticamente (aplicar algún criterio razoable para as
invitacións ao Xantar). Séguense a manter postos de traballo innecesarios (innecesaria
a figura de asesor-xurídico: figura que non
existe en concellos de categoría semellante aos de Cambados,- ¿como sobrevive
o concello actualmente sen asesor
xurídico?// Dúas prazas para inspectores e dúas para oficiais da
policía local son excesivas: un xefe de policía local con categoría de
oficial non existe en concellos de similar categoría // Asesor de
comunicación e auxiliar de comunicación: unha soa praza sería suficiente,
un concello como o noso non ten porque ter un gabinete de comunicación //
Múltiples auxiliares de museos para atender unha rede museística que está fora de lugar nun concello cos
recursos económicos do noso // Numerosas prazas non fixas, aínda, destinadas
a non se sabe que, de persoal que
desempeñará a función de interventores nas campañas electorais). Xa non pedimos
supresión, pero si polo menos unha reducción
que axude en consecutivos orzamentos a paliar o déficit económico do
concello. Pero ademais vanse a
reducir partidas que non se deben reducir; como é o caso do mantemento de
centros escolares (partida que pasa de 40.000 no 3ª medida
proposta pola intervención. “A estricta
planificación, control, seguemento e planificación
de calquera gasto municipal, sendo necesario que” 3.1º “Se constitúa
un órgano de control de gasto, previo á fase de autorización” Hoxe solicitamos
aquí a creación da Comisión de Seguemento e
que se contemple nas bases de execución deste orzamento. Mesmo cremos que
esta función o podería desempeñala a Comisión Informativa de Facenda e
Patrimonio, que se reuniría periodicamente para controlar a marcha de
execución e o grao de cumprimento dos obxectivos trazados no Plan de
Saneamento 2007. 3.2º “A realización
de contratos de subministros e servizos para a
obtención de mellores prezos” Esta medida ata o de
agora non se está a realizar e non se contempla no orzamento 2008; de facelo
poderíanse conseguir mellores prezos, por exemplo, en combustibles, materiais
de construcción, de oficina, productos
de limpeza... 3.3º “En definitiva,
incorporar como medida fundamental o manter unha importante contención do
gasto de funcionamento ou gasto ordinario” E como argumentamos
ata o de agora, esto non se está a facer. O informe da
interventora, na última páxina deste documento, remata dicindo: “O presente informe de incumprimento de
obxectivo de estabilidade orzamentaria nos Orzamentos do 2008, deberá
remitirse no prazo de 15 días hábiles desde o seu coñecemento polo pleno, á
Dirección Xeral de Coordinación Financieira coas
Entidades Locais” Como conclusión
diremos que estes son uns orzamentos continuístas e lastrados polos de anos anteriores, que
tamén foron malos pois levaron á tesourería do concello a un déficit
económico. A causa desta
situación é a falta de planificación e a irresponsabilidade do goberno
municipal á hora de xestionar os recursos económicos do concello. E tamén
queremos salientar que, a parte de mal xestor, o concello de Cambados segue a
ser un mal pagador, pero esto xa é unha
tradición. Con este orzamento á
situación económica do concello só lle queda un camiño; o de ir a peor. En definitiva este
goberno municipal funciona como unha mala directiva dun club de fútbol que se
endebeda para ter o mellor equipo, pero sen ter en conta a súa verdadeira
capacidade económica, pensando que no futuro aparecerá unha federación
deportiva amiga que o salve da bancarrota ou, no peor dos casos, abandonar o
club e deixarlle o “paquete” á directiva entrante. |