Votar dende a tumba

Darío Cobas Fernández leva 18 anos morto. Morreu na Arxentina o 15 de agosto de 1990 pero segue votando puntualmente en cada proceso electoral. Vota nas eleccións xerais, nas autonómicas e mesmo nas municipais. A súa foi unha das 4 partidas de defunción que chegaron á Xunta Electoral de Lugo nas pasadas eleccións Xerais xunto ao correspondente voto e é a constatación máis evidente do escándalo antidemocrático que supón o actual sistema de sufraxio da emigración, para vergoña dos que se negan a poñerlle remedio.

Leer o resto …

Cuestión de confianza

INTERVENCIÓN NO DEBATE PLENARIO DA CUESTIÓN DE CONFIANZA
Lugo, 10 de novembro de 2008

Boas tardes
Grazas señor Alcalde,

Comezarei en nome do Bloque Nacionalista Galego a miña intervención dicindo que non é do agrado do Bloque Nacionalista Galego ter chegado a esta situación. Coido que os cidadáns de Lugo nos esixen aos seus representantes políticos responsabilidade e sentido común. E tamén unha explicación do acontecido.

Leer o resto …

Orzamentos: a proposta do BNG

Anda estes días o Goberno de Orozco tentando confundir aos cidadáns cunha cuestión clave para a cidade como son os Orzamentos Municipais para 2009. O BNG fixo unha proposta seria e rigorosa para mellorar os Orzamentos que propón o Goberno en minoría do PSOE e que vou tentar explicar e detallar neste artigo.
Leer o resto …

Orzamentos do Concello: os pecados capitais do 2008

Convocounos o Goberno municipal a unha xuntanza mañá venres para falar dos Orzamentos do vindeiro ano. Anda preocupado Orozco porque sabe que por si só, na súa situación de minoría, non pode sacar adiante o proxecto económico máis importante do ano. Pero para iso, Orozco ten que ter presente que é bo rectificar. Porque a cidade non pode avanzar co modelo orzamentario aprobado o ano pasado polo seu Goberno coa axuda do PP.

Aquel era un Orzamento despilfarrador, cargado de gastos improdutivos, sen prioridades claras e con pouco investimento. Chega con mirar como lle foi a ese Orzamento e ver canto del vai executado a día de hoxe, a piques xa de rematar o ano. E aí as cifras non deixan lugar a dúbidas: tan só unha cuarta parte dos 22 millóns de euros dos que dispoñía o Goberno para obras novas para este ano foi investido. Son datos oficiais do Departamento de Intervención do Concello. Aí están, non os inventa o Bloque. E son mostra da anemia do Goberno de Orozco.

Leer o resto …

Policía Local: o momento da sensatez

A Policía Local está para dar seguridade aos cidadáns, non para crear xusto o contrario. Parece un axioma de perogrullo, pero convén lembralo no caso de Lugo dadas as actuais circunstancias e antecedentes. Sentada esta máxima como base, pasaremos a debullar polo miúdo un conflito laboral entre policías e o Goberno municipal que dura xa tempo demais e que ten consecuencias moi graves para todos os cidadáns.

Leer o resto …

Debate sobre o Estado da Cidade

Este luns celebrouse no Concello o primeiro Debate sobre o Estado da Cidade e resultou, ao meu xuízo, bastante decepcionante. Decepcionante porque o alcalde quixo convertelo nun Monólogo sobre o Estado da Cidade. Interviu durante máis de dúas horas e só deu 25 minutos aos grupos da oposición. E decepcionante porque nesas dúas horas Orozco non aportou nada novo máis que contarnos cantas flores e cantos bolardos hai na cidade. Ningún proxecto de futuro, ningunha nova proposta.

O Bloque centrou a súa intervención en facer unha análise da situación actual da cidade detectando as súas eivas e propoñendo as medidas correctoras para acadar unha solución. Este foi o noso discurso:

Leer o resto …

Dilixencia ferroviaria

Cando rexurde, como o fixo estes días con forza, a preocupación polo estado do tren na nosa provincia, sería interesante facer historia, porque ás veces a historia repítese, e ver como se chegou á situación de abandono, agardo que reversible, na que nos atopamos. Remóntandonos aos comezos, á instauración do ferrocarril como medio de transporte, cómpre ter presente que en Galiza agardabamos aínda pola locomotora do progreso (a física e a mental) que reclamaba Curros con insistencia, cando xa había máis de 30 anos que os trens circulaban por Cataluña.

Leer o resto …

Repetir curso

A volta ao cole xa se deixa notar estes días na cidade. Carteiras novas, libros sen estrenar e algunha que outra asignatura pendente dende que a LOGSE socialista deu vía libre a aquilo de pasar con suspensos. O curso, tamén o político, tráenos caras novas á aula. No Concello comezan María Novo e Rosana Rielo, que non estaban o curso pasado, aínda que Rosana Rielo é repetidora. Elas dúas forman parte dun Goberno que repite curso, que arrastra moitas asignaturas pendentes e que non estudou nada para a convocatoria de setembro.

Leer o resto …

Olimpiadas políticas

En Grecia naceron dúas manifestacións de gran transcendencia na sociedade contemporánea: a democracia e os xogos olímpicos. As dúas son mostras senlleiras da capacidade humana por mellorar: a política ten como misión mellorar o espazo público coa necesaria e difícil xestión; o deporte ten como misión mellorar a saúde física do organismo que nos acompaña durante a nosa (sempre corta) vida. Sociedade e corpo humano son os dous eixos sobre os que gravitamos. De nada serve un corpo sano nunha sociedade enferma (metáfora do neoliberalismo), nin tampouco serve unha sociedade sana se temos o corpo enfermo (metáfora do comunismo). Igual que a política ten como misión organizar unha sociedade sana, o exercicio físico ten como misión formar un corpo sano.

Leer o resto …

Lugo debe ser referente no turismo

Ao pasear estes días pola cidade, confirmo unha sospeita que viña matinando nestes últimos meses: en cuestión de turismo, Lugo ten aínda moito por facer. Tanto a cidade como a provincia teñen un enorme potencial que moitas veces os propios lugueses descoñecemos por falta de promoción, algo que se agrava se pensamos na xente de fóra que non conta con Lugo como alternativa de ocio durante o seu tempo de lecer. Non se nos debe esquecer o feito de que en distancias ben curtas temos ao alcance as praias da Mariña ou a montaña do Caurel ou dos Ancares. Recursos que se complementan perfectamente coa riqueza patrimonial e artística que atesouran moitas das vilas da provincia e en concreto a cidade de Lugo.

Leer o resto …