O noso agradecemento a todas as persoas que confiaron e votaron BNG. O BNG pasa de 2 a 3 concelleiros. O PP baixou case 200 votos e quedou a uns 150 votos de perder a maioría absoluta. O BNG segue traballando, con máis ilusión e vontade. A Corporación queda agora con seis concelleiros do PP, tres do BNG e 2 do PSOE. Como vedes 6-5. Á próxima vai!! Grazas!
Xa queda menos para o domingo. Despois de percorrer o concello, decatámonos do necesario que é que haxa un cambio de goberno, un cambio de alcaldía. Tanto que até o alcalde alugou un coche para facer a campaña, segundo el “porque tal como están os camiños, escarallaría o seu coche”.
Segue medrando o rumor do acordo do actual alcalde, o Sr. Capón, co Sr. Barreiro para ocupar unha vicepresidencia da Deputación, no caso de que a manteñan. Así, despois abandonaría o posto da alcaldía. Abandonaríao oficialmente, porque de feito, xa hai tempo que se dedica a outras cousas. E así pretendería que tiveramos que apandar, se mantén a maioría absoluta, co Sr. Raposeira como alcalde. Era o que nos faltaba!!!!
Onte entre outros sitios visitamos os veciños de Lexo. A situación dos accesos a Lexo é a proba evidente da nula xestión deste alcalde. Aquilo é de vergonza. Non se explicaría que este alcalde puidese seguir contando co apoio dos veciños de Lexo vendo como os ten abandonados.
Volveuse notar a necesidade de cambio no mitín do sábado. A xente está ilusionada. Só falta que esa onda medre, para que o domingo o Partido Popular perda a maioría absoluta. Contábanme que ao principio da campaña, o Sr. Capón dicía que non lle facía falta ir pedir votos, que lle sobraban cos da lista. Polo visto, cambiou de opinión.
| 19 Maio 2007 | ||
| 9:30 pm |
MITIN DE BARALLA
aquí está o BNG!
para que BARALLA avance
Intervirán:
NATALIA TROBO FERNÁNDEZ
Candidata
BRANCA RODRÍGUEZ PAZOS
Delegada de Vicepresidencia
FRANCISCO JORQUERA
Senador e Coordinador da Executiva do BNG
XOSÉ MANUEL BECERRA
Candidato á Alcaldía
SÁBADO, 19 DE MAIO
ÁS 9 E MEDIA DA NOITE
CENTRO SOCIOCULTURAL BARALLA
Xa levamos uns días de campaña. Percíbesen as ganas de cambio, de aposta por unha nova alternativa que crea no futuro do concello. E esa sensación dános ánimo para seguir traballando estes días, para demostralle á xente que é posible. Que é difícil, pero é posible se todos e todas pensamos na importancia do voto de cada un de nós.
MITIN DE BARALLA
aquí está o BNG!
para que BARALLA avance
Intervirán:
NATALIA TROBO FERNÁNDEZ
Candidata
BRANCA RODRÍGUEZ PAZOS
Delegada de Vicepresidencia
FRANCISCO JORQUERA
Senador e Coordinador da Executiva do BNG
XOSÉ MANUEL BECERRA
Candidato á Alcaldía
SÁBADO, 19 DE MAIO
ÁS 9 E MEDIA DA NOITE
CENTRO SOCIOCULTURAL BARALLA
Xa empezamos a campaña. E palpamos ganas de cambio. A xente está farta de discriminacións e desprezos. O BNG xa goberna na Xunta e agora vai gobernar no Concello.
Para esta fin de semana propóñovos que vexades os vídeos que preparou o BNG para a campaña.
Vídeo campaña BNG (versión longa, 8 minutos)
Vídeo campaña BNG (versión curta 1, 2 minutos)
Vídeo campaña BNG (versión curta 2, 2 minutos)
Vídeo campaña BNG (versión curta 3, 2 minutos)
Vídeo campaña BNG (versión curta 4, 2 minutos)
Moi interesante é tamén o vídeo que fixo TeleBNG, facendo entrevistas á XENTE polas rúas de Galiza:
Hoxe á noite comeza oficialmente a conta atrás. Quince días para o remate de 20 anos. Quince días para comezar un novo período político cun novo alcalde, cun alcalde do BNG. Esa é a ilusión que se percibe, pero que é preciso que se estenda para que unha maioría de veciños, o día 27, aposten por un cambio. Polo confianza na xente nova, pola candidatura do BNG
Web do BNG blogsnacionalistasgalegos.net
