Mañá, pleno do Concello

O BNG DE BARALLA PÍDELLE AO CONCELLO QUE AXILICE O DESBROZAMENTO DAS PISTAS
Pregunta tamén polo proxecto de selamento do vertedoiro licitado polo bipartito
O BNG de Baralla vai defender mañá venres, ás 8 da tarde, no pleno da Corporación, unha iniciativa na que lle pide ao alcalde que axilice os traballos de limpeza e desbrozamento das pistas municipais e de accesos aos núcleos, e así mesmo, que se dirixa ao resto das administracións, para reclamar a limpeza mecánica dos viais e estradas da súa competencia. Nalgúns casos, os silveiros e herba “dificultan a visibilidade nos distintos viais e pistas do concello e, incluso nos cruzamentos pode provocar algún accidente”.
Os nacionalistas inciden en que as actuacións de desbrozamento e limpeza, necesarias todos os anos, aínda se fan máis imprescindíbeis este ano, como consecuencia dos temporais do pasado inverno.
Así mesmo, o BNG vaise interesar pola situación actual, co cambio de goberno na Xunta, do proxecto licitado polo bipartito de selamento do vertedoiro municipal de lixo. Becerra lembra que tivo que ser co BNG no goberno da Xunta cando se puxese en marcha o pechamento do vertedoiro e por iso reclama agora información. O nacionalista incide en que “quéremos saber se o PP vai facer as obras previstas para pechar o vertedoiro ou tamén as vai paralizar”.
O BNG tamén vai presentar unha proposta para que o alcalde asuma encargarlle prioritariamente as obras e os servizos e a compra de material en empresas, comercios e autónomos de Baralla. O voceiro nacionalista fai fincapé en que “son os que pagan os impostos en Baralla e o concello debe pensar neles prioritariamente”. Para o BNG esa actuación permite fortalecer o tecido económico local e manter os postos de traballo.

Obras con sentidiño

Sentidiño. Rigor e control, deben ser os criterios cos que se deben planificar e realizar as obras. Pero xa sabemos que é moito pedirllle a este alcalde. Agora que se están executando as obras financiadas polo Fondo de Investimento Local, falta faría, por exemplo, sentidiño para canalizar a auga nos accesos, por exemplo, de Pol, para evitar que lles entre a auga nas casas. Rigor e control, para evitar, por exemplo, danos e gretas na igrexa. En definitiva, sentido común.

Excusas e máis excusas

Onte, no pleno, o alcalde e o PP volveron votar en contra da nosa proposta de incluír nos orzamentos do ano 2009, dúas partidas económicas para a compra de terreos para o Centro de Día e para o polígono industrial. Excusas e máis excusas. Non quixo dedicar o diñeiro do Fondo Estatal a estas actuacións e agora négase a metelas nos orzamentos. O malo é que o tempo pasa e o concello segue parado, perdendo poboación día a día. Xa llo dixemos onte: boa falta fai que o BNG goberne no Concello, senón aviados estamos.

O BNG pídelle ao alcalde que reserve partidas para o Centro de Día e para o polígono industrial

A estrada Baralla-Baleira

O Consello da Xunta de Galiza vén de aprobar diversas partidas de gasto para o amaño e mellora da estrada que une Baralla con Baleira. As actuacións previstas son distintas no tramo entre Baralla e Neira de Rei e Neira de Rei-Baleira. No seu día, nós pedísmolle ao alcalde que ao mesmo tempo xestionase na Consellaría de Política Territorial e na Medio Amabiente a adecuación dun paseo fluvial no tramo que une Baralla con Neira de Rei. Como noutros casos, foi o novo goberno da Xunta quen impulsou esta obra. Agora falta por vermos como queda o proxecto e xa vos informaremos.

• Para ver acordo Consello da Xunta… Leer o resto …

Buratos eternos

Xa hai meses denunciamos o estado de abandono no que quedaba a estrada de Baralla a Láncara, e os accesos do propio núcleo de Pousada, polas obras que realizou o concello. E levamos o problema a pleno varias veces. Non é xustificábel que despois de máis dun ano, eses enormes buratos na estrada e os accesos do núcleo sigan sen amañar. Eis un exemplo máis da desidia deste alcalde.

♫ Vídeo dos buratos na TVG

O BNG de Baralla reclama o arranxo da estrada que vai a Láncara, no núcleo de Pousada

Galiza e a PAC de Europa

• 2ª. Todal-as funciós adeministrativas: O réximen bancario no que intervirá pol-a función social que oxe teñen os Bancos. A mesma facultade pr-a solución do Creto agricola.

Manifesto da Asembleia nazonalista de Lugo

Ten 90 anos pero é unha proposta con total actualidade. Si, economía e agricultura. Así o propoñían aqueles primeiros nazonalistas que se xuntaron en Lugo, no hotel Méndez Núñez, ala polo ano 1918. De actualidade, porque, máis unha vez, a europa dos mercados marca as súas pautas e deixa de lado a europa social, a europa dos pobos. Esa Europa, a que só pensa nos mercados, acaba de tomar a decisión de poñerlles fin, agora que lles interesa a eles, ás cotas do leite para o ano 2015, ademais de reducir as axudas directas. E decidiu aumentar a procentaxe de produción nun 1%,-a mesma porcentaxe-, para todos os estados. Ningunha das dúas medidas é positiva para Galiza nin para o seu sector agrario, porque entre outras cousas van permitir que estados excedentarios coloquen o seu leite nos deficitarios de produción. E rechamante é que Italia vaia ter un aumento do 5 %. Ou non…

Aparcadoiros para discapacitados

Estes días, o Concello está pintando as zonas de aparcamento reservado para discapacitados. E foron eleixir para unha delas, un punto ben pouco axeitado. Todos e todas coñecemos as dificultades de paso pola rúa denominada Irmáns Diaz Moreno, a que baixa (e sobe) desde a N-VI até Fabeiro, entre a Casa do Concello e a antiga docería. No seu día, o propio Concello incluso instalou bolardos de metal para impedir que se estacionase nese punto e agora sitúano como aparcamento para discapacitados. É máis, dada a estreitura da beirarrúa, un discapacitado, nin sequera podería utilizar unha cadeira de rodas. E a iso hai que engadirlle a perigosidade do cruzamento. E por suposto, séguense botando en falta a mellora de accesos ás beirarrúas.

A sinalización da N-VI

Coa chegada da auga e do inverno, faise necesaria a axilización dos traballos de reposición da sinalización viaria na N-VI, nos tramos nos que se realizaron traballos de conservación, para mellorar a seguridade deste tramo. E é preciso que se habiliten accesos seguros aos núcleos que atravesa a N-VI, como é caso de Constantín, Ferreiros, A Calvela, A Mocha, A Valiña, Ansareo, Pacios ou Sobrado de Picato, para permitir que os usuarios destas aldeas poidan contar con incorporacións seguras ao vial. Os de Constantín hai anos que veñen reclamando unha solución sen que o alcalde lles fixese caso ningún. Nin sequera o bus escolar pode acceder a recoller os alumnos e que tivo que ser o BNG quen denunciara no Concello esta situación. E foron os propios veciños os que a denunciaron publicamente, para destapar o que se pode cualificar de “pasotismo do alcalde”.

O BNG pide que se repoña a sinalización da N-VI

A estrada Baralla-O Cádavo

• Clica para ver partidas nos orzamentos

Nos orzamentos da Xunta para o ano 2009, xa aparece a primeira partida para a mellora da estrada Baralla-O Cádavo, neste caso para o proxecto e as expropiacións necesarias. Imos estar tamén atentos para informar os veciños e para que o proxecto respecte o máis posíble o valor ambiental e turístico da zona. Nese sentido, no seu día, xa levamos a pleno unha iniciativa para solicitarlle a Política Territorial incluíse a construción dun paseo fluvial-peonil na marxe esquerda dirección Baleira, entre Baralla e Neira de Rei. A zona méreceo.

• Orzamentos Xunta 2009

A máis de dous “pedáneos” por parroquia

Contaba hai uns días o xantar particular que organizou o alcalde polo San Vitorio. Ese que pagamos todos. Este venres pregunteille por el no Pleno, polo número de persoas que asistiron, polo custo e polos criterios do convite. O subsconciente xa o levou a respondernos que “lo voy a pagar yo”. Si, vostede vai asinar o pago, pero cos cartos de todos. Como sospeitaba o gasto supera os 3000 euros.Tamén me dixo que foran 153 persoas, despois de sumar empregados do Concello, parte da Corporación (nós non asistimos), Garda Civil, Xuíz de Paz e pedáneos (cos seus respectivos acompañantes). Pero claro non saen as contas. Porque gardas civís sabemos todos cantos hai e parroquias temos 30. Polo visto, ten máis de dous “pedáneos” por parroquia.