Negocios cun condenado por apropiación indebida

Como vos contaba hai uns días, o alcalde eo PP, aprobaron asinar un convenio coa fundación-empresa San Rosendo, que preside Benigno Moure, para facerlles con cartos de todos os veciños, unha boa parte das obra da residencia privada. Finalmente, o Tribunal Supremo condenouno por apropiarse de máis de 500.000 € dunha anciá ingresada nunha das súas residencias. Esa é a xente a quen o Sr. Capón e o PP lle vai regalar o diñeiro para facer as súas obras.

Se queres ver a sentenza pica enTribunal Supremoh
Tipo órgano: Tribunal Supremo. Sala de lo Penal Municipio: Madrid — Sección: 1 Ponente: JULIAN ARTEMIO SANCHEZ MELGAR Nº Recurso: 1317/2008 — Fecha resolución: 14/04/2009 Tipo resolución: Sentencia Resumen: * Delito continuado de apropiación indebida. Conceptuación como delito de estafa continuad…

Unha boa noticia para Baralla

Onte á tarde a Secretaria Xeral de Benestar, Chus Lago, e a delegada en Lugo de Vicepresidencia, Branca Rodríguez Pazos, fixeron pública a posta en funcionamento da Oficina de I+B de Baralla, que lles vai prestar servizos a 18 concellos da nosa provincia. Con esta actuación evidénciase a aposta do BNG desde as súas responsabilidades de goberno, e neste caso desde o departamento que dirixe Anxo Quintana, polo rural galego e por establecer unha rede galega de servizos socias que chegue a todos os cidadáns. Os veciños e veciñas de Baralla deben ser conscientes do cambio que puxo en marcha o BNG desde o goberno e apostar porque o 1 de marzo, o nacionalismo lidere o goberno galego e siga sendo o motor do cambio que este país precisa.

Baralla, Zona de Interese Agrario

A Conselleraía de Medio Rural vén de declarar o solo rústico de protección agropecuaria do noso concello, de especial interese agrario. Con esta iniciativa, definida na Lei do Banco de Terras de Galiza, Medio Rural aposta outra vez polo presente e polo futuro do noso sector agrogandeiro. O Banco de Terras constitúe un instrumento fundamental para impulsar o medio rural, favorecendo a mobilidade das terras que están improdutivas, evitando o seu abandono e a perda de superficie agraria útil. A xestión do banco de terras pode favorecer a ampliación de explotacións existentes e impulsar o nacemento de novas explotacións supoñendo un importante medio de xeración de emprego e a ampliación da súa base territorial das explotacións, o quo lles permitirá unha menor dependencia de pastos e forraxes externos, así como a posible diversificación de cultivos. O decreto recoñece a Baralla pola súa alta produtividade agrícola e gandeira posta de manifesto pola existencia de explotacións que o avalan e polas propias características e potencialidade dos terreos ou zonas en que se localizan, pola súa actividade agropecuaria, número de explotacións, plans de mellora, e mesmo incorporación de mozos e mozas á actividade agraria.
Para o BNG sen un rural vivo, non teremos País. E desde as nosas responsabilidades, traballamos polo seu futuro.

Consulta o Decreto ZEIA Baralla

Unha nación, unha selección galega

Os vindeiros 27 e 28 de decembro temos partido da selección galega de fútbol. Da masculina e da feminina. Xogamos contra Chile e contra Euskadi. Coma calquer evento onde está presente o País, este ten un significado que vai máis alá. Unha Nación, unha selección.

http://ofutbolgalegoune.eu/

Ou entra en http://www.galizanova.org/gnova/

Ximnasio sen espazo

Recentemente a Consellaría de Cultura e Deporte que dirixe o BNG, concedeulle ao Concello de Baralla unha subvención de 3.000 € para o ano 2008 e outros 3.000 € para o ano 2009 para a adquisición e instalación dos equipos e aparellos de ximnasio e exercicio físico. Esta actuación que significa unha calara aposta na Consellaría por mellorar os servizos que debe ofrecer un concello, precisa un espazo axeitado á actividade. E o local elixido polo alcalde, parte do corredor-planta superior do Centro Sociocultural non cumpre eses mínimos. Por que non usar o baixo da antiga Cámara Agraria, polo menos de xeito temporal, tendo en conta que dispón de máis metros cadrados e xa conta con aseos? Claro, é preciso adecentalo e cambiarlle a porta. Ímosllo propoñer no pleno do venres 28. Xa vos contarei que pasa.

• Subvención da Consellaría de Cultura e Deporte ao Concello de Baralla para equipamento deportivo

• Ver nota de prensa

Os nosos nomes, na nosa lingua

Aínda non hai moitos anos, nas cartas que se recibían ou que se mandaban, no enderezo aparecía o nome da miña casa: a casa do Zapateiro. E nada fixo que despois dun cento de anos, pasase a chamarse do “zapatero”. Esa nomenclatura das casas, desgrazadamente, perdeuse para Correos e pasamos a ser un número máis, pero segue totalmente viva na vida das parroquias do rural galego. E segue viva porque é un máis dos sinais propios da nosa identidade. A que tamén nos dan os nosos nomes e apelidos. Nomes e apelidos galegos, na nosa lingua. Por iso temos que comprometernos en mantelos e recuperalos. E ese compromiso empeza por cada un de nós.

• Os nosos nomes, na nosa lingua
• Instancia nome
• Instancia apelido
• Instancia renovar carne identidade

Ligazóns

http://www.amesanl.org/especiais.html // http://www.chamateconxeito.com/

Leer o resto …

Nada para o deporte

Onte falaba cun mozo, un veciño noso que participou esta fin de semana no rallie San Froilán, da súa experiencia na competición e da cantidade de xente que chegou a Láncara e ao Corgo para ver os tramos que se disputaban nestes dous concellos. E contábame que en Baralla contamos con tramos tan bos ou mellores para práctica deste deporte.

E explicáballe eu que esa non era a aposta do alcalde. Que non era este o campo ao que Sr. Capón lle vise rendemento electoral, e por tanto que non esperase apoio para seguir competindo. Non se decata este alcalde da xente que moven as competicións deportivas, do que se falou na prensa destes dous concellos e como non, do diñeiro que quedou en bares e restaurantes da zona neses dous días.

Desde xa hai anos, o Sr. Capón xa non ten interese polo futuro do concello. Tampouco polos seus deportistas.

Recuperar a festa da troita

O río Neira ten un gran potencial económico e social, e a celebración e consolidación dunha festa como a da troita, podería axudar ásúa posta en valor. O noso río ten unha recoñecida sona como río troiteiro entre os pescadores galegos e de fóra de Galiza, que cumpriría revitalizar e aproveitar economicamente. É necesario que Baralla se converta nun referente deste deporte, coa celebración dun campionato de pesca sen morte, entre outras actividades que se poderían programar. Temos un potencial ambiental e de patrimonio enorme, totalmente desaproveitado, dado que este alcalde e o PP, non moveron un dedo para dar a coñecer o noso rico patrimonio. Falta a sinalización de elementos históricos e de rutas de sendeirismo. Pero xa sabemos. Acabou coa Feira-exposición e parece que o único que lle vale é o cemento.

►O BNG de Baralla propón recuperar a Festa da Troita para dinamizar a economía local

Camiñando coa AMPA e o Colexio de Baralla

Este sábado, coma anos anteriores, a AMPA e a dirección do Colexio CPI de Baralla, convidáronnos a facer outro tramo do camiño de Santiago, entre Sarria e Portomarín. Un bo día, unha agradábel camiñada, unha boa compañía e un agradecido xantar,-sobremesa incluída-, para rematar a xornada. Grazas polo convite e polo trato. E para o ano que vén, pedirlle ao Concello que poña a disposición da organización o vehículo todoterreo, para servir de coche de apoio loxístico. Hai que ter en conta que boa parte dos e das participantes son cativos e precísase contar cun vehículo que poda recollelos a medida que cansen.
Os meus parabéns para a AMPA e para a dirección pola idea, pola vontade e polo traballo ben feito. Ánimo.

Subvencións ocultas

É ben rechamante que despois de máis de 2 meses desde a aprobación en Pleno dos orzamentos do ano 2008, e por tanto, das subvencións nominativas a asociacións, todas esas asociacións (culturais, deportivas,..) non teñan ningunha comunicación da súa concesión. Como esperaba o alcalde que o soubesen? Ou é que non quería que o soubesen e que por tanto quedasen sen cobrar?
Estas asociacións son as que manteñen a vida asociativa, cultural e deportiva do concello. Non contan cun apoio decidido do concello, e aínda por riba, nin sequera poden deseñar as súas actividades e ingresos, porque o Sr. Capón non se digna a comunicralles as subvencións aprobadas polo Pleno. É máis, cando pediron explicacións, polo visto, pois “non había nada”.
Os seus socios e socias terán que se ir dando conta da necesidade de apostar no futuro por unha nova dirección na política municipal.