Estimadas amigas e amigos que nos acompañastes nesta campaña. Grazas polo voso apoio e polo voso alento, pola vosa presenza nos actos sectoriais e nos actos en barrios e parroquias, polo voso esforzo en transmitir a nosa mensaxe, ou en prestarlle atención ás nosas propostas. O meu compromiso e o do BNG de Vigo será o de seguir a carón dos vigueses e viguesas en calquera circunstancia e defender todas as medidas en positivo de transformación da cidade que se tomaron nos últimos catro anos.
Vigo segue a precisar do BNG e do compromiso de todos os vigueses e viguesas para facer unha cidade mellor nunha Galiza máis libre e máis xusta.