Curiosamente, PP e PSOE únense para introducir na constitución, que ata agora era intocable ata para garantir na práctica a igualdade entre homes e mulleres, unha postura ideolóxica determinada, claramente liberal e de dereitas, supeditada ao ditado dos mercados financeiros e os ditados de Merkel e Sarkozy.
Pero ademais é unha vergonza política que non expliquen á xente o que realmente significa esta reforma constitucional que se fixo en pleno mes de agosto ás agochadas. Fronte a este escurantismo de PP e PSOE, o BNG di non a esta reforma da constitución e ademais preocúpase por informar á cidadanía do que realmente vai supoñer esta reforma para todos e todas nós: Con esta reforma da constitución, PP e PSOE consolidan o estado neoliberal, as políticas privatizadoras e de recorte dos servizos públicos básicos.