Quero darvos a miña benvida a tod@s que vos achegades a este espazo que pretende ser punto de encontro para quen queira coñecer e seguir a candidatura do BNG ás eleccions municipais do vindeiro 22 de maio, e que eu teño a honra de encabezar.

Catro anos depois retomo este blog coa mesma dobre intención que nas pasadas eleccións municipais. Por unha banda, poñer a vosa disposición informacións, programas, imaxes, videos… sobre a  candidatura do BNG. E pola outra, crear un especie de caderno de bitácora no que poidamos ir incluindo e comentando todas as novidades e actos políticos que vaian tendo lugar por todo o noso concello ao longo da campaña.

Claro que desta vez hai unha importante diferencia. Esta nosa candidatura xa non é so a candidatura da ilusión, da vontade e dos proxectos, senón principalmente a candidatura dos feitos e das conquistas que fixeron posible que Tomiño se situase, por fin, na senda do progreso.

E máis do que nunca, este non é tempo de ficar parado senón de ollar cara diante e continuar traballando para que entre todos poidamos avanzar na transformación e mellora do noso Concello.

Gustaríame moito contar coa vosa colaboración neste blog a través dos vosos comentarios, ideas e suxestiuóns. Animádevos e participade!!!

Unha aperta fonda para tod@s…