Estamos a poucos dias de que se cumpran 4 anos daquela victoria electoral que permitiu que en Tomiño se rachase con 24 anos de goberno do PP. Tendo en conta a situación de estancamento na que estaba o noso Concello, con tantas e tantas oportunidades perdidas, 3 grupos políticos diferentes (BNG, CdT e PSOE) foron quen de poñer por riba de todo o interese común e conformar un goberno municipal diferente, presidido pola alcaldesa nacionalista Sandra González.

Foron 4 anos de execución de grandes proxectos, obras necesarias e impulso a novas e diferentes políticas. Foron 4 anos dun goberno tripartito,pero marcado polo consenso e a coincidencia nas principais necesidades que ten o noso concello. Sabiamos que tiñamos unha enorme responsabilidade e o BNG estivo a altura das circunstancias e soubo liderar e coordinar este goberno, con actitude dialogante e constructiva. E demostrando que un goberno municipal ten que caracterizarse por tratar a todos os veciños e veciñas por igual, sen tratos de favor.

Por todo isto, tras este avance e transformacion en feitos e actitudes do noso concello, entendense menos as maniobras escuras que caracterizaron os ultimos meses da lexislatura. Esa loita de intereses persoais que fai morrer e nacer partidos independentes e o uso de diñeiro publico para a compra de vontades politicas merece un rexeitamento claro. En Tomiño non queremos que veña o señor Louzán nen a contentar nen a xerar cabreados. Triste panorama para a dereita tomiñesa (PP, CDT e CDL) caracterizada pola división, autoritarismo, oportunismo e o rencor dos seus líderes. Non é iso o que queren os veciños!

Fronte a este esperpento está a alternativa seria, eficaz e solvente que representa a alcaldesa Sandra González. Somos conscientes de que queda moito por facer, pero que temos iniciado un camiño.Non é tempo de voltar atrás. Temos que ollar ao futuro con esperanza, optimismo e ilusión. Co voso apoio, co voto ao BNG, seguiremos transformando Tomiño. Animo!Uxio Benítez

——————————————–

Uxío Benítez é actualmente o concelleiro de urbanismo do goberno local e candidato polo BNG.

Comentarios pechados.